Skritur tamilek
Un abugida eo ar skritur tamilek diorroet, evel an darn vrasañ eus an doareoù-skrivañ implijet en India diwar ar skritur bramek (brahmi) ha tost-tre o stumm hag o mont-en-dro d'an devanagari.
Ur yezh dravidek eo a tamileg ha daoust ha ma vez implijet gantañ ur skritur kar d'an devanagari diorroet er penn-kentañ evit skrivañ yezhoù indez-europek evel ar sañskriteg ez eo ar yezh disheñvel-tre diouzh an eil re-se.
En abugida tamilek ez eus he 12 vogalenn ha 18 kensonenn. O kontañ an arouez ispisial anvet aaytha ezutthu ez eus 247 lizherenn diazez ha kevrennek en holl.
Isrannet e vez ar vogalennoù e tri rumm:
- ar re verr (5)
- ar re hir (5),
- div diftongenn.
Isrannet e vez ar c'hensonennoù e tri rumm gant 6 kensonenn e pep hini anezhe:
- vallinam - "kalet"
- mellinam - "blot" pe friet
- idayinam - "etre-daou"
N'eus er skritur tamilek na liziherenn gevrenneg ebet na kensonennoù mouzhiet ha c'hwezhet (kv. devanagari).
An abugida tamilek
kemmañKensonennoù diazez
kemmañGraet e vez ivez lizherennoù "korf" (mei) eus ar c'hensonennoù.
| Kensonenn | Treuzlizherennadur | Rumm | Distagadur (IPA) |
|---|---|---|---|
| க் | k | vallinam | [k], [g], [x], [ɣ], [h] |
| ங் | ṅ | mellinam | [ŋ] |
| ச் | c | vallinam | [ʧ], [ʤ], [ʃ], [ʒ] |
| ஞ் | ñ | mellinam | [ɲ] |
| ட் | ṭ | vallinam | [ʈ], [ɖ], [ɽ] |
| ண் | ṇ | mellinam | [ɳ] |
| த் | t | vallinam | [t̪], [d̪], [ð] |
| ந் | n | mellinam | [n] |
| ப் | p | vallinam | [p], [b], [β] |
| ம் | m | mellinam | [m] |
| ய் | y | idaiyinam | [j] |
| ர் | r | idaiyinam | [ɾ] |
| ல் | l | idaiyinam | [l] |
| வ் | v | idaiyinam | [ʋ] |
| ழ் | ẓ, ḻ, ṛ | idaiyinam | [ɹ] |
| ள் | ḷ | idaiyinam | [ɭ] |
| ற் | ṟ, R | vallinam | [r], [t], [d] |
| ன் | ṉ, N | mellinam | [n] |
Kensonennoù evit treuzskrivañ yezhoù all
kemmañBez' eus eus ivez un nebeud lizherennoù ispisial anvet "grantha" implijet evit treuzskrivañ gerioù o tont eus ar sañskriteg dreist-holl, hag eus ar saozneg a-wechoù ivez.
| Kensonenn | Treuzlizherennadur | Distagadur (IPA) |
|---|---|---|
| ஜ | j | [ʤ] |
| ஷ | ṣ | [ʂ] |
| ஸ | s | [s] |
| ஹ | h | [h] |
| க்ஷ | kṣ | [kʂ] |
Ar vogalennoù
kemmañGreat e vez ivez "lizherenn an ene" pe "ar vuhez" (uyir) eus ar vogalennoù. E pep lizherenn ez eus ur gensonenn hag ur vogalenn dre ma'z eus un abuged eus ar skritur tamilek. Pep lizherenn a-seurt-se a vez graet ul "lizherenn vev" (uyirmei) anezhi, da lâret eo gant ur c'horf kensonennel hag un ene vogalennel.
Ar vogalennoù distag
kemmañ| Vogalenn distag | Treuzlizherennadur | Distagadur (IPA) |
|---|---|---|
| அ | a | [ʌ] |
| ஆ | ā | [aː] |
| இ | i | [i] |
| ஈ | ī | [iː] |
| உ | u | [u], [ɯ] |
| ஊ | ū | [uː] |
| எ | e | [e] |
| ஏ | ē | [eː] |
| ஐ | ai | [ʌy] |
| ஒ | o | [o] |
| ஓ | ō | [oː] |
| ஔ | au | [ʌʋ] |
Ar vogalennoù stag
kemmañAmañ diskwelet gant ar gensonenn "k".
| Gant vogalenn stag | Treuzlizherennadur | Distagadur (IPA) |
|---|---|---|
| க | ka | [kʌ] |
| கா | kā | [kaː] |
| கி | ki | [ki] |
| கீ | kī | [kiː] |
| கு | ku | [ku], [kɯ] |
| கூ | kū | [kuː] |
| கெ | ke | [ke] |
| கே | kē | [keː] |
| கை | kai | [kʌy] |
| கொ | ko | [ko] |
| கோ | kō | [koː] |
| கௌ | kau | [kʌʋ] |