Adlennet eo bet ar bajenn-mañ
Anton
Koulz oa goulen dek gwennek var eun dro ! Ken buan great oa ! — Te a sonj d’id marvad e valeomp ama var an aour ?
Manuel
Ho Tonton na vanke morse da rei d’in aluzen.
Olier
Duze er vered her c’havi ; gra dezan hor gourc’hemennou.
Anton
Eur vech all hon devezo muioc’h a eaz da rei d’id eun draïk benag.
Manuel
Me am euz naon, goulskoude.
Olier
Double barriken, me am euz sec’het ive, eb gellout kaout banne ebet abaoue div heur, ha n’euz ket kementze a storlok ganen.
Manuel (en eur vont kuit)
N’ho pezo ket muioc’h o chanz vad, goude ober oap euz ar paour : Kenavo.
Anton
Ia, kenavo, ha salo na ve morse gwelet da dreid vardro an ti-ma.
Manuel (var treujou an or)
N’ho pezo ket a chanz vad.
Olier
Kerz ac’haleze, a lavarer d’id, labouz-noz ma z’out!
Anton
Setu aze eul laskar hag a zo deut d’hon direnka
