gouelañ

Gwelet ivez : gouelan

Brezhoneg

Plac'hig o ouelañ.

Etimologiezh

Savet diwar an anv-kadarn gouel hag al lostger -añ.

Meneget er C'hatolikon (goelaff).

Da geñveriañ gant ar verboù wylo, gwylo e kembraeg, ola e kerneveureg.

Verb

gouelañ /ˈɡweːlã/ verb gwan (displegadur)

1. Skuilhañ daeroù
   • Gouelañ a rafen, met an diaoul a zalc’h war va daeroù. Skuilhañ a rafen va gwad, pa n’on ket evit gouelañ ! — (Roparz Hemon (diwar Chr. Marlowe), Fostus an doktor daonet in Pemp pezh c'hoari berr, Skridoù Breizh, Brest, 1944, p. 121.)
   • Herri a oa ur c’hanfard eus ar re vrasañ ; ne laboure ket, mezv e veze war ar pemdez ha mezv-dall d’ar sul : hor moereb ne rae nemet gouelañ gantañ. — (Jakez Riou, An Ti Satanazet, Skridoù Breizh, 1944, p. 14-15.)
   • P’edon war bont an Naoned an deiz all o kanañ
     ’m eus gwelet ur plac’h yaouank war ar stêr o ouelañ. — (P’edon war bont an Naoned, kan-ha-diskan.)
   • Dirak ur seurt kalonad, gwazed zoken a stagas da ouelañ. — (Jakez Riou, Geotenn ar Werc’hez, in Gwalarn, niv. 13, Nevez-Amzer 1928, p. 10.)
2. gouelañ dourek
3. gouelañ gwalc'h e galon
   • [...], ez eas dioc'htu d'ar chapel hag ec'h azezas eno war eur maen, en eur ouela gwalc'h e galon hag o lavaret : [...]. — (G. MILIN, Gwechall-goz e oa..., Kemper, 1924, p. 18.)

Stummoù all

• gouelal, gouelar, goueliñ

Gerioù kar dre o ster

• leñval, leñvañ, leñviñ

Deveradoù

• dioueliñ
• goueladeg
• goueler
• gouelerezh

Troioù-lavar

• gouelañ dourek

Troiennoù keñveriañ

• gouelañ evel ul leue
• gouelañ evel un oan dianket

Divinadelloù

• A ya a-souz d'e labour hag a deu d'ar gêr en ur ouelañ ? — Ar c'helorn da dennañ dour eus ar puñs. — (Jules Gros, Le trésor du breton parlé Troisième Partie, 1974, p. 330.)

Krennlavarioù

• An hini a c'hoarzh re
  A ranko gouelañ goude-se
• O vont d'ar fest c'hwi a gano
  O tont en-dro c'hwi a ouelo

Rimadell

• Cʼhoarzin-gouelañ... lost al leue o tiverañ. — — (Jules Gros, Le trésor du breton parlé Troisième Partie, 1974, p. 389.)

Troidigezhioù

• alamaneg : weinen ^(de)
• albaneg : qaj ^(sq)
• arabeg : بكى ^(ar) (baka)
• brezhoneg : gouelañ ^(br)
• daneg : græde ^(da)
• esperanteg : plori ^(eo)
• faeroeg : gráta ^(fo)
• finneg : itkeä ^(fi)
• frizeg : gûle ^(fy)
• galleg : pleurer ^(fr)
• galizeg : chorar ^(gl)
• gresianeg : κλαίω ^(el) (kléo)
• henhebraeg : בּכה^(*) benel, ספד ^(*) (sapad)
• hensaozneg : wepan ^(ang)
• hungareg : sír ^(hu)
• ido : plorar ^(io)
• islandeg : gráta ^(is)
• italianeg : piangere ^(it)
• iwerzhoneg : goil ^(ga)
• japaneg : 泣く ^(ja) (naku)
• katalaneg : plorar ^(ca)
• kembraeg : wylo ^(cy)
• kerneveureg : ola ^(kw)
• kinyarwanda : rira ^(rw) (kurira)
• koreaneg : 울다 ^(ko) (ulda)
• kurdeg : girîn ^(ku)
• manaveg : coe ^(gv)
• mayaeg Yucatán : ook’ol ^(*)
• nederlandeg : wenen ^(nl)
• norvegeg : gråte ^(no)
• papiamento : yora ^(*)
• poloneg : płakać ^(pl)
• portugaleg : chorar ^(pt)
• rusianeg : плакать ^(ru) (plakat’) , заплакать ^(ru) (zaplakat’)
• saozneg : to weep ^(en) , to cry ^(en)
• serbeg : плакати ^(sr)
• skoseg : caoin ^(gd)
• spagnoleg : llorar ^(es)
• sranan : krey ^(*)
• svedeg : grina ^(sv) , gråta ^(sv)
• tchekeg : plakat ^(cs)
• tsolyáni : márash ^(*)
• turkeg : ağlamak ^(tr)
• ukraineg : відень ^(uk) (viden’)
• vietnameg : khóc ^(vi)