kaout aon
Brezhoneg
Etimologiezh
Troienn verb
kaout aon /Distagadur ?/
- Doujañ.
- An Tadou a Vreuriez ar Speret Santel hag a galon Santel Mari eo a zao ar scol-ze, hag evelse n'o devezo ket ar gerent da gaout aoun o fiziout ho bugale enho. — (G. M., Skol Santel Mari, Feiz ha Breiz, 10 Gouere 1869, p. 174a.)
- Arzhur, hep kaout aon, a dennas war an evn bras, [...]. — (Fañch an Uhel, Kontadennoù ar Bobl/1, Al Liamm, 1984, p. 16.)
- Herve. — N'eo ket dâ d'eoc'h kaout aoun, aotrou Sane ; [...]. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 3.)
- Meur a hini a zonjas en o heur diveza ; hini ebet, koulskoude, ne gredas lavaret en doa aon. — (Ivon Krog, Eur Zac'had Marvailhou, Buhez Breiz, Kemper, 1924, p. 29.)
- Ha neuze an ozac'h koz a zafar bravoc'h : aon en deus, anat eo. — (Ivon Krog, Eur Zac'had Marvailhou, Buhez Breiz, Kemper, 1924, p. 82.)
- N'hoc'h eus ket ezhomm da gaout aon !... Biken ne gredo ober dirak an estren. — (Jarl Priel, An dakenn dour, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 67.)
- — N' em eus ket aon, eme Yun. — (Jakez Riou, Geotenn ar Werc'hez ha danevelloù all, Al Liamm, 1957, p. 39.)
- O veza ma oa sklêr al loar, n'on-oa ket a aon. — (Jules Gros, Le trésor du breton parlé Première Partie, 1966, p. 210.)
- Pa welez eur hi o tond betek da zeuliou az-pez aon. — (Jules Gros, Le trésor du breton parlé Deuxième Partie, 1970, p. 462.)
- Arabat deoc'h kaout aon tamm ebet. — (Visant Seite, Ar brezoneg dre radio, eil levrenn, 1975, p. 121.)
- kaout mil aon
- kaout aon bras
- kaout aon rak un den, rak un dra, rak ober un dra:
- « Aotrou 'n Eskob, chomit ganeomp ! N'ho pet ket aon rak archerien Montroulez ; [...]. » — (Lan Inizan, Emgann Kergidu 1, Brest, 1877, eil emb. Al Liamm 1977, p. 18.)
- Aon rak piv? Aon rak petra? — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 95.)
- Aon rak petra, va merc'h ? — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 114.)
- - Arabat eo ho pe aon rak an dra-se, va zad ; [...]. — (G. MILIN, Gwechall-goz e oa..., Kemper, 1924, p. 3.)
- Kenta medesin. — [...] ; n'ho peus nemed sellet ouz an dristidigez-se a zo war e dal, ouz ar ruzder a zo war e zaoulagad, ouz an difisians hag an aoun-ze en deus rag an holl hag e weloc'h anat warnezan ar pevar merk a c'houlenn an doktor Hippokrat evit ar velkoni felc'hek ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 20.)
- [...], aon bras he devoa poblañs La Courtine rak an dud diboell-se e-tailh marteze da vezañ torfedourien. — (Jarl Priel, Amañ hag Ahont, Al Liamm, 1957, p. 46.)
- EGISTES. — Goude ma vin azezet da vat war gador-veur Argos n' am bo ken aon rak al latennoù re hir. — (Jarl Priel, Nag a Wad, Al Liamm niv. 112, Gwengolo-Here 1965, p. 310.)
- Me am bez aon rak kouezhañ p'am bez botoù laosk. — (Jules Gros, Le trésor du breton parlé Deuxième Partie, 1970, p. 307.)
- Me am bez aon rak ar rederien a zeu war ar vro. — (Jules Gros, Le trésor du breton parlé Deuxième Partie, 1970, p. 436.)
- kaout aon dirak ub
- Arzhur, pa welas ne oa ken da gaout aon dirazañ, a dostaas ouzh e wele, an û gantañ en e zorn. — (Fañch an Uhel, Kontadennoù ar Bobl/1, Al Liamm, 1984, p. 35.)
- "Setu graet al labour hirie ! Bremañ, da guzh-heol, e teufet d'ar gêr, ha n'ho pet ket aon dirak ma zad ; komzet outañ divergont zoken". — (Fañch an Uhel, Kontadennoù ar Bobl/1, Al Liamm, 1984, p. 73.)
- kaout aon da gaout udb, da vezañ lazhet
- — Na dou ket Doue er stumm-se ; n' a' teus ket aon da vont gant an Diaoul ? — (Fañch an Uhel, Kontadennoù ar Bobl/3, Al Liamm, 1988, p. 210.)
- [...], rak aon en deus, mar chomfe dilizher, da vezañ taolet 'er-maez gant e wreg hag e vugale pa soñjo nebeutañ. — (Lan Inizan, Emgann Kergidu 1, Brest, 1877, eil emb. Al Liamm 1977, p. 73.)
- An dud o deus aon da gouezhañ diwar o zreid, a wel an traoù o treiñ en-dro dezho, a zo o vont da semplañ, da gouezhañ en droug-sant, a vo mat dezho kemer dour melis eus an apotikerezh, gwelloc’h aozet eo an dour-se eget an hini a rafent o-unan. — (Loeiz ar Floc'h, E louzou da bep klenved, in An Oaled, niv. 35, 1931, p. 13.)
- kaout aon a gaout udb, a vout lazhet
- kaout aon e c'hoarvezfe tra pe dra :
- Ma bugaligoù baour, yaouankik oc'h c'hoazh, Bihanig dreist-holl, hag em eus aon e tegouezhfe droug ganeoc'h. — (Fañch an Uhel, Kontadennoù ar Bobl/3, Al Liamm, 1988, p. 11.)
- Hag en devoa aon bras Kado n’en leuskje d’an traoñ, KAB 1/143
- Koulskoude ne gredas ober droug ebet da Charlez, dre m'en devoa aon e vije kreñvoc'h majisian egetañ, rak gwelet a rae sklaer penaos kement-se na c'halle bezañ graet nemet dre vaji. — (Fañch an Uhel, Kontadennoù ar Bobl/1, Al Liamm, 1984, p. 74.)
- kaout aon na c'hoarvezfe tra pe dra :
- Aon hon eus na ve kouezhet etre daouarn ar Republikaned. — (Lan Inizan, Emgann Kergidu 1, Brest, 1877, eil emb. Al Liamm 1977, p. 158.)
- [...], rag aoun o doa na viche en em zavet ar bourkiz (!) enn ho enep. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 143.)
- A-benn eur pennad e tiskennchont adarre enn hent braz en eur zakreal kement, ma'm boa aoun na viche kouezet an env var hor penn. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 90.)
- Sane. — Va Doue, Herve, aoun am eus na vefemp gwelet o komz an eil gant egile, [...]. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 3.)
- Kement-ma a vourreve spered ar Breizad yaouank hag a lakea anezan da gaout aon na vije kouezet klanv e c'hoar, pe maro gant he glac'har. — (G. MILIN, Gwechall-goz e oa..., Kemper, 1924, p. 8.)
- kaout aon betegouzout
- Dre ma kred dezho ez on skoet gant terzhienn an didalvez, o deus aon moarvat, betegouzout na welfent biken ken lost ar gwenneion fiziet ennon ? — (Jarl Priel, Va Buhez e Rusia, Al Liamm, 1955, p. 10.)
- Kazh (Ki) skaotet
En devez aon rak dour bervet. — (Jules Gros, Le trésor du breton parlé Deuxième Partie, 1970, p. 469.), — (Jules Gros, Le trésor du breton parlé Troisième Partie, 1974, p. 305.)
Troidigezhioù
- galleg : avoir peur (fr)
