koun

Brezhoneg

Etimologiezh

Eus ar ger krennvrezhonek couff, kar d'ar gerioù côf e kerneveureg, cof e kembraeg, cuman en heniwerzhoneg (en deus roet cuimnech en iwerzhoneg ha cuimhne e skoseg), da geñveriañ gant com-min-īsco-r « ijinan » e latin : stummet gant ar rakger *kom- hag ar wrizienn MEN « soñjal » a gaver er gerioù मनस् (manas) « spered » ha मन्ये (manye) « soñjan » e sañskriteg, μέν-ος ha μέ-μον-α en henc'hresianeg, men-s ha me-min-ī e latin, mun-an « soñjal » e goteg, menu « delc'her a ran koun » ha -manaũ « soñjan » e lituaneg, mĭnêti « soñjal » en henslaveg^[1].

Anv-kadarn

koun /ˈkũːn/ gourel (liester kounioù)

Santad dalc'het gant an eñvor.
- Heb koun ’bet mui d’an derc’hent kennebeut d’an ebat. — (Ened Rosporden, er Barzhaz Breizh.)
- Bezet koun eus ar ganaouenn, bezet klemm ouzh ar c’haner ! — (Alan al Louarn, er Barzhaz Breizh.)
kaout koun :
- N’ ec’h eus ket soñj, ’m eus aon ?…
  — Eo, Dagorn, koun mat am eus ’vel pa vije an noz diwezhañ. — (Jakez Riou, Ar Morskouled, in Buhez Breiz, niv. 27, 1923, p. 482.)
kaout koun mat eus ub pe udb
dont koun da un den:
- Chom aze, evit miret na deufe ar c'houn, eus goueled va evor, ar c'houn goaper ha chifus da ziskouel d'in gant e viz, war an hent am eus heuliet, ar vleuennou pere n'am eus ket bet kuntuilhet, ar frouez mad ha dourek pere am eus bet disprizet. — (Fañch al Lae, Bilzig, Kemper, 1925, p. 26.)

Gerioù heñvelster

soñj

Deveradoù

Troioù-lavar

derc'hel koun

Troidigezhioù

alamaneg : Erinnerung ^(de)
esperanteg : memoro ^(eo)
galleg : souvenir ^(fr)
indonezeg : kenang-kenangan ^(id)
iwerzhoneg : cuimhne ^(ga)
kembraeg : cof ^(cy)
saozneg : recollection ^(en) , memory ^(en)
skoseg : cuimhne ^(gd)

Daveoù

Roll an daveoù :

^[1] : Lexique Étymologique des termes les plus usuels du Breton Moderne, p. 78.