Bulad-Pestivien

Bulad-Pestivien (['byːlat pis'tiːən]) zo ur gumun e Breizh e kanton Kallag, e Kerne-Uhel hag e kornôg departamant Aodoù-an-Arvor.

Bulad-Pestivien
An iliz katolik.
Anv gallek (ofisiel)	Bulat-Pestivien
Bro istorel	Kernev
Melestradurezh
Departamant	Aodoù-an-Arvor
Arondisamant	Gwengamp
Kanton	Kallag
Kod kumun	22023
Kod post	22160
Maer Amzer gefridi	Olivier Charles 2020-2026
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Kornôg Kreiz Breizh
Lec'hienn Web	http://www.bulat-pestivien.fr
Poblañsouriezh
Poblañs	409 ann. (2022)
Stankter	13 ann./km²
Douaroniezh
Daveennoù lec'hiañ	48° 25′ 46″ Norzh 3° 19′ 46″ Kornôg
Uhelderioù	kreiz-kêr : 200 m bihanañ 189 m — brasañ 307 m
Gorread	31,23 km²
Bulad-Pestivien

Douaroniezh

• War lez ar stêr Blavezh emañ Bulad-Pestivien.
• Kumunioù amezek: Kallag ; Plougonveur ; Pont-Melvez ; Mael-Pestivien ; Sant-Servez.

Anv

• Régis de Saint-Jouan : Penstyffyen, 1368 ; Pestivien, 1670 ; Buzlat, 1620 ; Bulat-Pestivien, 24.11.1876.
• Bernard Tanguy : Pestivien, 1306, 1330 ; Pestiffien, ~ 1330 ; castrum de Pestivien, 1354 ; Penstffyen, 1368 ; Pestiffien, 1405 ; paroisse de Pestivien, 1465 ; chapelle Nostre-Dame de Buzglat, 1465 ; Buzlat, 1588, 1620 ; Bulat, 1670.
• Talvoudegezh : Penn ar stivien (an eiennoù)
• Diasur evit Bulat

Ardamezioù

Brizhet etre argant ha sabel (familh Pestivien, aet da get e 1776).

Istor

XX^vet kantved

Brezel-bed kentañ

• Mervel a reas 71 gwaz abalamour d'ar brezel hervez monumant ar re varv, da lavaret eo 4,05 % ag ar boblañs hervez an niveradeg bet graet e 1911.

Eil brezel-bed

• Mervel a reas daouzek den eus ar gumun abalamour d'ar brezel.

Brezelioù didrevadennañ

Brezel Indez-Sina

• Mervel a reas ur soudard e 1946.

Monumantoù ha traoù heverk

2003

2003

Ur wezenn-derv e “Tronjoly”, ouzhpenn 1 000 bloaz a-hervez.

• Iliz katolik Itron-Varia.

Diavaez

• 
• 
• 
• 
  Ankoù o rambreal, ouzh an iliz (XIV^vet kantved)
• 
  Ankoù o yudal,
  ouzh an iliz

Diabarzh

• 
• 
  Gwerenn livet ardamezioù Breizh gant aeled
• 
• 
  Ar Werc'hez
• 
  Aoter ar Werc'hez
• 
  Sant-Josef
• 
  Santez Barba ?
• 
  Santez Marc'harid
• 
  Lutrin
• 
  An nor war biñs an tour

• Chapel Sant-Bleaz Pestivien

• 
• 
• 
• 
• 
• 

• Chapel Santez Anna Radeneg

• 
• 
• 
  Delwenn Santez Anna e-kichen ar feunteun

• Feunteun ar C'hog.

• 
  Feunteun ar c'hog (XVI^vet kantved)

• Feunteun ar Seizh Sant.

• 
  Feunteun ar Seizh Sant (1683)
• 
• 
• 
• 

• Feunteun ar Werc'hez (1718).
• Maner Bodiliav (XV^vet-XVI^vet kantved) : Mirdi Manerioù Breizh.
• Monumant ar re varv.

Emdroadur ar boblañs abaoe 1962

Niver a annezidi

Melestradurezh

Pell amzer eo bet an tiegezh de Kerouartz, perc'henned vras ar barrez, o terc'hel an ti-kêr.

Tud

• Eno emañ ar skrivagner Yann Gerven o chom.
• Maud Guillois (korollerez).
• Timothée Le Bour (soner).
• Ronan Le Dissez (soner).
• Thomas Lotout (soner).
• Anne Auffret, kanerez kantikoù brezhonek ha kan-ha-diskan, zo bet savet er barrez.
• Sabine Kergoed, skolaerez ha kanerez kan-ha-diskan, zo bet savet er barrez.

Ardamezeg

	de Bégaignon Plezek etre argant ha gul ːAotrounez Koadgoureden
	Bodilio En argant e seizh melionenn geotet, 3, 3, 1.
	Chapelle (de la) En gul e dreustell en erminoù.
	Koadgoureden En gul e groaz koñchek en argant.
	Pestivien Brizhet etre argant ha sabel.

Brezhoneg

Bulad-Pestivien o prientiñ Redadeg 2008

Ar Brezhoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.

Deskadurezh

• E 2006 e oa bet nac'het gant an enseller akademiezh digeriñ ur c'hlas divyezhek er gumun. A-benn ar fin e oa bet digoret ur c'hlas divyezhek e miz Gwengolo 2007.
• E distro-skol 2024 e oa 33 skoliad enskrivet er c'hlasoù divyezhek (100 % eus skolidi ar gumun evit a sell ouzh ar c'hentañ derez).

Kelenn d'an oadourien

• Stajoù brezhoneg a oa bet aozet gant Breuriezh Sant Erwan e dibenn ar bloavezhioù 1960 e skol al leanezed, gant Armañs ar C'halvez ha Yann Talbot. Unan bennak zo bet gant Skol an Emsav er bloavezhioù 1970 ivez gant Mark Kerrain ha Tangi Louarn.

Krennlavar

• Goude pardon Bulad, Eus pep toull e teu kouhad (kaouad).

Pardon ha foar ar c'hezeg

Ul lec'h pirc'hirinded eo Bulad abaoe an XIII^vet kantved. Ur pardon a vez bep bloaz d'an dibenn-sizhun goude an 8 a viz Gwengolo (Gouel ginivelezh ar Werc'hez Vari). Kregiñ a ra da nav eur noz ha boas ez eur da guitaat an iliz e-kreiz an Oferenn da-heul ar pardoner (ar beleg pennoferenner) da brosesioniñ betek lec'h an Tantad, a vez enaouet neuze. Da c'houde ez eer en-dro d'an iliz da genderc'hel gant an Oferenn. N'eus nemet e Bulad e vez graet er mod-se. Ur foar ar c'hezeg a vez ivez, d'al Lun goude ar pardon, abaoe 1747. Lakaet e vez delwenn Gwerc'hez Bulad war ziskouez en iliz e-pad ar pardon. En oferennoù e vez kanet kantikoù brezhonek, en o zouez : Itron Varia Vulad evel-just, Da Feiz hon Tadoù Kozh...
D'ar Gwener da noz : oferenn (al lodenn vrasañ anezhi e brezhoneg), tantad, tan artifis, soubenn evit ar birc'hirined ha bal disko
D'ar Sadorn : oferenn vras, soubenn evit ar birc'hirined, lein (merenn) en div ostaleri eus ar barrez, chapeled e brezhoneg ha gousperoù
D'al Lun : oferenn ha foar ar c'hezeg, marc'had bras, kirri kozh war blasenn ar skol, merenn en div ostaleri eus ar barrez hag e-kichen sal ar festoù

• 
  Gwerc'hez Bulad
• 
  Tantad
• 
  Tro an iliz
• 
  Foar ar c'hezeg
• 
  Abad Y-V Perrot. Buez ar Zent. p. 928
• 
  Abad Y.V. Perrot. Buez ar Zent. p. 929

Festoù

• Les Médiévales (miz Eost 2010)

Skol sonerezh

• Muzik ar Vro

Darempredoù etrebroadel

Gevelliñ

•  Iwerzhon : Baile an Fhirteirigh (1992)

Levrlennadur

• (fr)Anatol ar Braz : Pardon Bulad e Magies de Bretagne
• (fr)Abbé Le Tirrand, recteur de Bulat : Miettes d'Histoire et de Légendes. Bulat-Pestivien. 1971.

Liammoù diavaez

• (br)Bulad war lec'hienn Geobreizh
• (fr)Istor Bulad war lec'hienn InfoBretagne