Dispac'h Gall 1848
Dispac'h Gall 1848, anvet a-wechoù « dispac'h C'hwevrer », a vez graet eus an trede dispac'h gall goude Dispac'h Gall 1789 hag hini 1830. E Pariz e oa bet an darvoudoù etre an 22 hag ar 25 a viz C'hwevrer 1848.
Diwar atiz ar frankizourien hag ar republikaned, ul lodenn eus pobl Pariz (e-tro 3 000 den a-ziwar 1 milion a annezidi), en em sav a-enep ar rouantelezh er gêr-benn. Louis-Philippe, a nac'h lakaat tennañ warno. Rediet e voe da reiñ e zilez evit e vab-bihan, Philippe d'Orléans, d'ar 24 a viz C'hwevrer 1848.
Ar memes devezh, da 3 eur goude merenn, e oa embannet an Eil Republik gant Alphonse de Lamartine, ha reveulzierien Pariz. War-dro 8 eur noz, ur gouarnamant da c'hortoz a zo e penn ar vro. Fin Monarkiezh Gouere eo.
Nac'hañ ar banniel ruz
kemmañD'ar 25 a viz C'hwevrer 1848, eus an 11 ezel eus ar gouarnamant Lamartine e-unan a raio prezeg dirak ur mor a dud o embann perak e nac'he degemer ar banniel ruz evel hini Bro-C'hall:: « Le drapeau rouge que vous nous rapportez n’a jamais fait que le tour du Champ de Mars, traîné dans le sang du peuple en 91 et 93, et le drapeau tricolore a fait le tour du monde avec le nom, la gloire et la liberté de la patrie ! »[1]