Fringilla montifringilla

Fringilla montifringilla

Kudenn ebet (LC)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Fringilla

Anv skiantel

Fringilla montifringilla
Linnaeus, 1758

D'ar vevoniezh

e tenn ar pennad-mañ.

Fringilla montifringilla eo anv skiantel ur spesad evned bihan, a zo Pint penn du^[1] ha Pint an hanternoz^[2] e anvioù brezhonek.

Commons

Muioc'h a restroù diwar-benn

Fringilla montifringilla

a vo kavet e Wikimedia Commons.

Taksonomiezh

Carl von Linné a lakaas ar spesad en 10vet embannadur e Systema Naturae e 1758 dindan an anv Fringilla montifringilla, a zo chomet digemm betek-henn, eus al latin fringilla "pint" ha mons, montis "menez".

A-zivout orin ar ger brezhonek pint e lenner e Lexique étymologique du breton moderne Victor Henry (1900) :

Pint, s. m., pinson, cymr. pingc. Empr. ag. altéré spink, et cf. ag. finch et al. fink, dont le prototype germanique a aussi passé au roman, bas-lat. pinth-io, ital. pincione, fr. 'pinson^[3].

Deskrivadur

Damheñvel ouzh hini ar Pint (evn) (Fringilla coelebs) eo ment ar spesad, met dioutañ e-unan eo e bluñv : du eo penn ar pared, teñval e zivskoaz, arruz e vruched hag arwenn e gof. Boutinoc'h eo ar parezed hag ar ploged, tostoc'h da binted hor bro. Perzhioù dibarek zo da holl evned Fringilla montifringilla avat :

gwenn eo o c'hrouzell e-lec'h gris-gwer ;
arruz eo o bruched hag arwenn o c'hof, pan eo unliv ar Pint (rous) ;
arruz eo pluñv an divskoaz e-lec'h gris ;
marellet e du eo ar c'hostezioù, pan eo unliv re ar Pint ;
n'eus ket a bluñvennoù gwenn war e lost.
melen eo ar pigos e-lec'h du.

Mentoù : 14-16 cm hir, 23-29 g a bouez, 25–26 cm e hed-eskell.

Fringilla montifringilla

Fringilla coelebs

Doareoù pennañ

Uioù Fringilla montifringilla

Tremeniat eo hogosik ar spesad a-bezh en Europa. A-nijadegoù miliadoù ha zoken milionoù a laboused e veajont^[4], dreist-holl pa vez puilh ar finij ; gouest eo ar spesad da vevañ hep finij er goañv, met nijal a rejont betek kavout anezho, marteze evit terriñ pep kevezerez gant Fringilla coelebs.
Hadoù pergen a ya gant al laboused er goañv, hag amprevaned en hañv. War skalf ur wezenn e vez savet an neizh, a vez damguzhet gant man pe ginvi kent degemer 5 - vi glas-splann brizhellet war ur gwelead kolo, gwriziennoùigoù ha marbluñv.

Mouezh

Galvoù heñvel ouzh re ar Pint, kan damheñvel ouzh hini ar Meleneg (Chloris chloris).

Kan Fringilla montifringilla

Annez

Bevañ a ra ar spesad en Eurazia ; lod a weler e Norzhafrika ivez, er goañv^[5].

██ A-hed ar bloavezh war aodoù Norvegia

██ Neizhiañ a Norvegia da Siberia ha Ledenez Kamtchatka

██ Hep neizhañ

██ Kantreer a vare da vare, e Norzhamerika

Emañ ar boblañs o vont war zigresk, hervez Listenn Ruz an International Union for Conservation of Nature (IUCN).

Levrlennadur

Breeze Jones, E. V. & Williams, Islwyn (1984). Laboused ar Maezioù. Brezhoneg gant T. Huon ha P. an Habask, Al Lanv, 1985, p. 39.

Liammoù diavaez

(en) (es) (fr) (ja) 'IUCN Red List'. Kavet : 29/01/2022.
(en) 'IOC World Bird List version 12.1/30256. Kavet : 29/01/2022.
(en) Un nijad Fringilla coelebs'.

Notennoù

↑ Pinson du Nord | pint penn du | g. | pinted penn du | Fringilla montifringilla (étudié). TermOfis Ofis Publik ar Brezhoneg.
↑ Pinson du nord (Fringilla montifringilla) : pint an hanternoz. Martial Ménard, Dictionnaire français-breton, Éditions Palantines, 2012, pajenn 1025b.
↑ (fr) 'Wikisource'. Kavet : 29/01/2022.
↑ (en) Svensson, Tomas. A review of mass concentrations of Bramblings Fringilla montifringilla: implications for assessment of large numbers of birds. In : Ornis Svecica 21 (2021)
↑ (en) Fichenn e Birdlife. Unan zo bet gwelet en ul liorzh e Kemper d'an 28 a viz Genver 2022 ; siwazh, n'eus bet gellet kemer luc'hskeudenn ebet.

[1] Pinson du Nord | pint penn du | g. | pinted penn du | Fringilla montifringilla (étudié). TermOfis Ofis Publik ar Brezhoneg.

[2] Pinson du nord (Fringilla montifringilla) : pint an hanternoz. Martial Ménard, Dictionnaire français-breton, Éditions Palantines, 2012, pajenn 1025b.

[3] (fr) 'Wikisource'. Kavet : 29/01/2022.

[4] (en) Svensson, Tomas. A review of mass concentrations of Bramblings Fringilla montifringilla: implications for assessment of large numbers of birds. In : Ornis Svecica 21 (2021)

[5] (en) Fichenn e Birdlife. Unan zo bet gwelet en ul liorzh e Kemper d'an 28 a viz Genver 2022 ; siwazh, n'eus bet gellet kemer luc'hskeudenn ebet.

[1]

[2]

[3]

[4]

[5]