Jacques Prévert
| Jacques Prévert | |
|---|---|
| Ganedigezh | 4 a viz C'hwevrer 1900 Neuilly-sur-Seine |
| Marv | 11 a viz Ebrel 1977 en Omonville-la-Petite |
| Yezh skrivañ | galleg |
kemmañ  |
|
Jacques Prévert zo ur barzh hag ur skriver-senario gall (hag a orin breizhat a berzh e dad) bet ganet d'ar 4 a viz C'hwevrer 1900 e Neuilly-sur-Seine, ha marvet d'an 11 a viz Ebrel 1977 en Omonville-la-Petite (Manche). E varzhonegoù zo brudet-bras, lakaet sonerezh warno, ha desket e-barzh ar skolioù.
Buhez
kemmañTremenet en deus e vugaleaj e Pariz diwar 1907, o kavout hir e amzer er skol. E dad, kritik-c'hoariva, a gase anezhañ alies da welet pezhioù. Broudet e oa da lenn gant e vamm. Tapet e sertifikad gantañ e tilez ar skol, hag eñ da labourat e-barzh ar stal vras Le Bon Marché. E 1918 eo galvet gant an arme ha ha kaset d'ar Reter-tostañ goude ar brezel.
Kemeret en deus perzh e-barzh emsavadeg an dreistrealouriezh, e-barzh bagad ar Rue du Château, asambles gant Raymond Queneau, Marcel Duhamel, Robert Desnos, ha tud all... daoust d'e spered bezañ re libr evit heuliañ strollad ebet, ne vern pehini. Krouet en deus un ti-produiñ en 1928, asambles gant e vreur Pierre, setu-eñ skriver-senario ha saver-divizoù evit anavezetañ filmoù gall ar bloavezhioù 1940. E 1932 eo stag da skrivañ evit ar strollad a vo anvet Octobre diwezhatoc'h. E varzhonegoù zo bet lakaet sonerezh warne en un doare brav-tre gant Joseph Kosma adalek 1933. Kompoziñ a ra ivez pezhioù-c'hoariva. E levr-barzhonegoù Paroles, embannet en 1946, en deus lakaet anezhañ da vezañ brudet-bras. Perzh en deus kemeret ivez e-barzh ar c'hCollège de Pataphysique diwar 1953.
Levrioù
kemmañFilmoù
kemmañGant Jacques Prévert e oa bet skrivet senario ar filmoù hag an divizoù a-wechoù :