Kevatalenn Einstein

Kevatalenn Einstein (anvet ivez Kevatalenn park Einstein) zo ar gevatalenn pennañ, e-touez ar c'hevatalennoù dezho deveradennoù darnel, eus ar relativelezh hollek. Ur gevatalenn zinamikel eo a zeskriv penaos an danvez hag an energiezh a gemm mentoniezh an egor-amzer. Ar gwar-se eus ar ventoniezh en-dro d'ur vammenn danvez a vez displeget neuze evel park gravitadur ar vammenn-se. Fiñv an traezoù e-barzh ar park-se zo deskrivet en un doare pervezh-kenañ gant kevatalenn e c'heodezek.

stumm matematek Kevatalenn park Einstein

Kevatalenn park Einstein a vez deskrivet en doare-se peurliesañ :

$R_{\mu \nu }\ -\ {\frac {1}{2}}\,g_{\mu \nu }\,R\ -\ \Lambda \ g_{\mu \nu }\ =\ {\frac {8\pi G}{c^{4}}}\ T_{\mu \nu }$.

$R_{\mu \nu }$ zo stenner Ricci, R ar gwar skalarel, $g_{\mu \nu }$ ar stenner metrek sinadur (+,-,-,-), $\Lambda$ an argemmenn gosmologek, $G$ an argemmenn gravitadur (war-dro 6,6742.10^-11 m³kg^-1s^-2), c tizh ar gouloù (da lâret eo : 299 792 458 m.s^-1), $\pi$ an niver pi ha $T_{\mu \nu }$ ar stenner energiezh-lañs.