Nikonov AN-94
An Nikonov AN-94 pe Nikonov AN-94 "Abakan" a zo ur fuzuilh-arsailh krouet e penn-kentañ ar bloavezhioù 1990 e Rusia gant Gennady Nikonov, a laboure en embregerezh Ijmach (ИЖМАШ e rusianeg).
| AN-94 Akaban | |
|---|---|
 Fuzuilh-arsailh AN-94 Akaban | |
| Kinnig | |
| Bro |  Rusia
|
| Doare | Fuzuilh-arsailh damaotomatek (tennadeg daou denn)/aotomatek |
| Mont en-dro | Tennata dre amprest-gazoù, piston |
| Munision | 5,45 × 39 mm M74 |
| Bloaz krouidigezh | 1994 |
| Pouez ha muzulioù | |
| Mas (hep kartouchenn) | 3,850 kg |
| Hirder | 943 mm (lamm dibleget), 728 mm (lamm pleget) |
| Hirder ar c'hanol | 405 mm |
| Perzhioù all | |
| Hed-tenn pleustrek | 400 m |
| Tizh mont e-maez ar boledoù | 900 m/s |
| Lusk-tennañ | 600 tenn/mn (mod aotomatek) 1.800 tenn/mn (mod daou denn damaotomatek) |
| Endalc'h | Karger fiñv 30 kartouchenn |
| Lezenn | |
| Rummad e Bro-C'hall | A |
Deskrivadur
kemmañAn AN-94 a implij kartouchennoù 5,45 × 39 mm M74 hag ur c'harger fiñv 30 tenn (pe lod brasaet er memes doare ha gant an AK-74 hag an AEK-971). Savet eo tro-dro d'ur sistem tennata dre amprest-gazoù evel ar fuzuilhoù-arsailh rusian kent. Gallout a reer ouzhpennañ ur banner-greunadennoù dezhi.
An dra nevez degaset gant an AN-94 a oa he mod daou denn. Ijinet e oa bet evit tennañ daou voled deus renk gant ul lusk uhel-kenañ (1800 tenn/mn). Evel-se ne veze ket santet c'hoazh efed argil an tenn kentañ pa veze tennet an eil bannadell. Kement-mañ a oa graet evit kaout muioc'h a chañsoù da dizhout ur sibl. Lakaat a rae gwikefre an arm da vezañ luzietoc'h ha keroc'h da broduiñ[1].
Implij
kemmañEvel an AEK-971 e oa bet krouet an Nikonov AN-94 "Abakan" evit kemer plas an AK-74,[2] met ur wech c'hoazh he c'houst uhel hag he sevel luziet a lakaas ar fuzuilh-arsailh da vezañ roet da vegennoù al lu rusian nemetken. Implijet eo bet dreist-holl gant ar strollad stourm Spetsnaz e-kerzh brezel Tchetchenia.
Liammoù diavaez
kemmañDaveennoù
kemmañ- ↑ (en) FERGUSON Jonathan, Russian AN-94 self-loading rifle, ARES, 12/04/2017 (lennet d'ar 17/10/2024)
- ↑ (fr) McNAB Chris, Armes à feu Encyclopédie visuelle, L'Imprévu, 2022, pp. 180-181
