Pinyin

Sinalunioù (lunioù sinaek) en o skritur hengounel pe eeunaet gant o zreuzskrivadur pinyin zo war ar bajenn-mañ. Sellit ouzh ar skoazell war Unicode pe testit o merdeer ma ne welit ket anezho fraezh.

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Ar Pinyin (拼音 pīnyīn) zo ur reizhiad skrivañ a dalvez da romanekaat ar mandarineg (da skrivañ anezhañ ent fonetikel gant al lizherenneg latin) hag a vez implijet e Republik Pobl Sina. Pinyin, ger-ha-ger, a dalvez e sinaeg "distagañ ar sonioù". Ur verradenn eo evit hanyu pinyin (汉语拼音 hànyǔ pīnyīn, da lavaret eo : "distagañ sonioù yezh an Han-ed »). Diazezet eo bet e 1958, ha deuet eo da vezañ ar reizhiad implijetañ evit romanekaat ar sinaeg tro-dro ar bed.

Distagadur kensonenn gentañ ur silabenn

Pinyin	LFE	Displegadur (gwelit Wikipedia saozneg evit gouzout hiroc'h)
p	[pʰ]	evel e saozneg, pe e brezhoneg pa vez aspiret mat
t	[tʰ]	evel e saozneg h.a.
k	[kʰ]	evel e saozneg h.a.
b	[p]	evel p e galleg
d	[t]	evel t e galleg
g	[k]	evel k e galleg
s	[s]	evel en « sistem »
c	[tsʰ]	evel ts, aspiret
z	[ts]	c nann-aspiret (hanterhent etre ds ha ts)
x	[ɕ]	un tammig evel ch e brezhoneg, war-du an s
q	[tɕʰ]	un tammig evel tch e brezhoneg
j	[tɕ]	q, nann-aspiret, etre dz ha dj e brezhoneg
sh	[ʂ]	un tammig evel ch e brezhoneg
ch	[tʂʰ]	un tammig evel tch e brezhoneg
zh	[tʂ]	ch, nann-aspiret
f	[f]	evel f e galleg
h	[x]	evel c'h e brezhoneg "c'hoar"
l	[l]	evel l e brezhoneg
r	[ʐ] pe [ɻ]	un tammig etre an r eus ar saozneg « rank » hag ar j eus ar galleg « jeu » distaget eus ar c'harlañchenn !
w	[w]	evel e brezhoneg (mod-Treger) ; ne glever netra mar emañ heuliet gant u
y	[j]	evel e brezhoneg ; ne glever netra mar emañ heuliet gant "i" pe "ü"
m	[m]	evel e brezhoneg
n	[n]	evel en brezhoneg
ng	[ŋ]	evel e brezhoneg « onkl »

Mar krog ur silabenn gant ur vogalenn war-eeun, ha ma tegouezh e-kreiz ur ger, e vez lakaet ur skrab en he raok. Da skouer « Xi'an » (div silabenn) n'eo ket « Xian » (ur silabenn).

Distagadur al lizherennoù all

Pinyin	LFE	Displegadur
a	[ɑ]	e fin ur silabenn, evel ar saozneg « father »
ai	[aɪ]	un tammig evel ar saozneg « eye »
an	[an], [ɛn]	un tammig evel ar galleg « Anne ». E-barzh ian, üan, juan, quan, xuan, ha yuan : un tammig evel ar brezhoneg KLT « penn ».
ar, anr, air	[aɹ]	evel ar saozneg USA « are »
angr		idem, frïet
ao	[aʊ]	evel ar saosneg « cow » well-wazh
aor		evel ar saosneg « tower » well-wazh
e	[ɤ]	un tammig evel ar galleg « je »
ê	[ɛ]	evel ar galleg « Rennes »
ei	[ei]	evel ar brezhoneg « breizh »
en	[ən]	evel ar brezhoneg KLT « takenn »
eir, enr	[ɝ]	evel ar saozneg « her » mui pe vui
eng		idem, gant ng goude
er		mar n'eo ket e-barzh ar sufiks -r (da skouer 而, 二), evel ar; a-hend-all (da skouer 歌儿, 车儿), evel e gant un -r goude. Gwelit ivez ier, uer, üer
engr		idem, friet
i	[i]	evel ar brezhoneg « fri », nemet goude "c", "ch", "r", "s", "sh", "z" or "zh"; neuze ne vez klevet vogalenn ebed, hogosik
ie	[iɛ]	evel ar galleg « hier » mui pe vui
ier		idem, gant -r goude
iu	[iou̯]	evel ar brezhoneg « yaou »
o	[u̯]	e-barzh bo, po, mo, fo, wo, e vez klevet an diftong ou heuliet gant o. Gwelit ivez ou
ong	[ʊŋ]	an o amañ a zo un "o" brezhoneg serret
ongr		idem, gant -r goude
ou		evel ar saozneg « so »
our		idem, gant -r goude
u	[u], [y]	evel ar galleg « ou », nemet goude y, x, j ha q; neuze e vez klevet un u galleg
ue, uer		gwelit "üe"
uo	[uo]	evel ar galleg « tout haut »
ü	[y]	un u galleg ; ne gaver an ü-se nemet goude n ha l ; a-hend-all ne vez ket merket an umlaut
üe	[yɛ]	evel ar galleg « tu es »
üer		idem, gant -r goude

Distagadur tonennoù ar vogalennoù

Ar mandarineg zo ur yezh gant tonioù, gant peder zonenn, skrivet e pinyin gant ar sinoù diakritek-mañ :

1. - Ton uhel
2. / Ton o vont d'an nec'h (tired lemm e pinyin)
3. v Ton o vont d'an traoñ un tammig, ha neuze d'an nec'h
4. \ Ton berr o vont d'an traoñ (tired boud e pinyin)

Ar sin diakritek a vez lakaet war unan eus vogalennoù ar silabenn.

Taolenn an tonennoù implijet gant ar pinyin

(An niverennoù merket da heul a dalvez evit skrivañ ar vogalennoù pinyin e HTML).

N° tonenn\vogalenn	a	e	i	o	u	ü
1(-)	ā 257	ē 275	ī 299	ō 333	ū 363	ǖ 470
2(/)	á 225	é 233	í 237	ó 243	ú 250	ǘ 472
3(v)	ǎ 462	ě 283	ǐ 464	ǒ 466	ǔ 468	ǚ 474
4(\)	à 224	è 232	ì 236	ò 242	ù 249	ǜ 476

Liammoù diavaez

• Little Pinyin App 1.0 online
• New Edition Hanyu Pinyin Syllable Table
• Reolennoù eeunaet ar pinyin (e galleg)
• Pennaennoù ar pinyin (e galleg)
• Convert Chinese to Pinyin
• Pinyin Table with sound. Over 1700 individual sounds
• Pinyin tone recognition test

中文世界門戶 Porched ar bed sinaat — 找到關於中國的頁面 Adkavit ar pennadoù a denn d'ar bed sinaat.