WikiLeaks
WikiLeaks (eus ar saozneg wiki, mui liester ar ger leak, eus ar verb to leak berañ, diskuliañ) a zo un aozadur kelaouiñ, digor met diogelet, hep pal kenwerzhel hag ul lec'hienn, bet roet lañs dezhi e miz Kerzu ar bloaz 2006, kaset war-raok gant "The Sunshine Press". Diazezet eo bet gant Julian Assange e 2006. Hervez an aozadur e oa bet tapet gantañ kaout 1.2 milion a deulioù en e ziaz dindan bloaz.
| WikiLeaks | |
|---|---|
 | |
| Statud | Aozadur etrebroadel |
| Pal | Sacher evezh |
| Lugan | We open governments[n 1] |
|
| |
| Diazezet | 4 Here 2006 |
| Diazezer | Julian Assange |
| Lec'h |  Aostralia
|
| Perc'henn | Sunshine Press Prod |
| Yezh | Saozneg |
| Savenn | Android |
| Meziant | MediaWiki |
| Stad | Oberiant (2024) |
| Lec'hienn | wikileaks.org |
|
| |
| |
Embann a ra al lec'hienn dielloù kuzh deuet a-berzh titourerien hag a chom dianav, war zanvezioù a denn da bolitikerezh ar renadoù gwasker eus Azia, en Afrika, er Reter-Kreiz, an URSS kozh, met ivez eus ar Stadoù-Unanet. Savet e vije bet da gentañ, hervez an aozadur, gant disrannidi bolitikel eus Republik Pobl Sina.
Bec'h da WikiLeaks
kemmañE dibenn miz Du 2010 e oa bet embannet gant Wikileaks un toullad skridoù diplomatel o tont eus servijoù ar Stadoù Unanet. Embannet e voe an dielloù-se gant kazetennoù evel El País (Spagn), Le Monde (Bro-C'hall), Der Spiegel (Alamagn), The Guardian (Bro-Saoz), ha The New York Times (Stadoù Unanet Amerika). En dielloù-se e lenned titouroù personel hag ar pezh a soñje servijoù diplomatel Stadoù Unanet Amerika war pennoù stadoù zo ha kargidi uhel en Aozadur ar Broadoù Unanet.
Kaoz a voe neuze e kazetennoù zo (Le Figaro) ez ae WikiLeaks re bell gant dispakañ ar wirionez d'an dud, ha serret e voe al lec'hienn e Bro-C'hall, evel ma vez serret lec'hiennoù kelaouiñ e Sina gant an diktatourien.
- Kaoz a zo bet gant Reporters Sans Frontières eus « skridverzañ etrebroadel ».
Diskuliadennoù diwar-benn Bro-C'hall ha Breizh
kemmañEn unan eus ar skridoù dilomatel savet gant servijoù er Stadoù-Unanet ez eus kaoz eus ar pezh a vije bet lavaret gant Michel Rocard e 2005: «Rocard, like former president Valery Giscard d'Estaing, believes that French history provides the keys for understanding French politics and France's policies. Rocard's point of departure is France's emergence as a nation-state. The history of other European nation-states is that of linguistic communities serving their trade needs. France created itself by destroying five cultures -- Breton, Occitan, Alsatian, Corsican, and Flemish. "We are the only European nation which is the military creation of a non-homogeneous State. This makes France difficult to govern to this day. This explains our difficulty in reforming, our slowness," he said.»[1]
Julian Assange
kemmañ
Abalamour d’e labour evit Wikileaks en deus ranket Julian Assange klask repu e kannati Ecuador etre 2012 ha 2019. War-lerc’h eo bet bac’het er Rouantelezh-Unanet betek miz Even 2024, ma voe tizhet un emglev gant justis ar Stadoù-Unanet: en eskemm da anzav bezañ kablus e voe kondaonet da bemp bloaz en toull-bac’h, ur badelezh tremenet dija er Rouantelezh-Unanet; neuze e voe dieubet[2].
Liammoù diavaez
kemmañ- (en) Lec'hienn ofisiel
- (fr) Lec'hienn ofisiel e galleg
Daveennoù
kemmañ- ↑ (en) AMBASSADOR'S MEETING WITH MICHEL ROCARD
- ↑ (fr) Le lanceur d'alerte Julian Assange est "libre" après avoir conclu un accord avec la justice américaine. France Info (Mezheven 2024).