bleud

Brezhoneg

Bleud

Etimologiezh

Kavet en henvrezhoneg blot.

Meneget er C'hatolikon bleut.

Da geñveriañ gant an anvioù-kadarn blawd en kembraeg, bleus en kerneveureg, blato- en galianeg ha mláth en heniwerzhoneg.

Deuet eus un anv-gwan-verb keltiek *mlātos, ger-ha-ger « malet », diwar ar verb *male/o-^[1], deus roet malañ e brezhoneg.

Anv-kadarn

bleud /ˈbløːt/ hollek gourel (liester : bleudoù)

1. Poultr oberiet dre valañ greun an edoù. Aozañ a reer gantañ boued d'an dud ha d'al loened (bara, gwestell...).
   • Krampouezh daou-hanter a veze graet gant bleud ed-du ha bleud gwinizh. — (Jules Gros, Le trésor du breton parlé Deuxième Partie, 1970, p. 52.)

Distagañ

• Penn-ar-C'hrann (Bro-Leon, Penn-ar-Bed): "bleud /ˈbløːt/"

Deveradoù

• bleudañ
• bleudek
• bleudenn

• bleudennek
• bleuder
• bleuta

Gerioù kevrennek

• bleud-dour
• bleud heskenn
• bleud-koad

• bleud-laezh
• bleud–livn
• bleud patatez

Troioù-lavar

• bezañ en e vleud
• koachañ e benn en ur sac'had bleud
• malañ munut e vleud
• mont bleud unan bennak da vrenn
• n'ober na brenn na bleud
• ober bleud gant eskern unan bennak
• reiñ bleud four d'ar moc'h

Krennlavarioù

• Bleud an diaoul a ya da vrenn
• Pa vez ker ar bleud
  E vez kezeg treut

Troidigezhioù

• alamaneg : Mehl ^(de)
• esperanteg : faruno ^(eo)
• euskareg : irin ^(eu)
• galleg : farine ^(fr)  benel
• iwerzhoneg : plúr ^(ga)  gourel , min ^(ga)  benel
• kembraeg : blawd ^(cy)  gourel

• kerneveureg : bleus ^(kw)  gourel
• nederlandeg : meel ^(nl)
• okitaneg : farina ^(oc)  benel
• saozneg : flour ^(en)
• skoseg : flùr ^(gd)  gourel , min ^(gd)  benel
• turkeg : un ^(tr)

• Ar pennad « bleud » e-barzh Wikipedia

Daveoù

Roll an daveoù :

• ^[1] : Ranko Matasović, Etymological Dictionary of Proto-Celtic, Leyden, Brill, 2009, p. 273-4.