marc'heg

Gwelet ivez : Marc'heg

Brezhoneg

Etimologiezh

Deveret eus ar ger henvrezhonek marchoc.

Savet diwar an anv-kadarn marc'h hag al lostger -eg.

Meneget er C'hatolikon (marhec).

Anavezet evel anv-tiegezh : Le Marec, Glémarec, Glévarec, Kergevarec.

Da geñveriañ gant ar gerioù marchog en kembraeg, marghek en kernevveureg ha marcach en iwerzhoneg.

Anv-kadarn

marc'heg /ˈmarɣɛk/ gourel (liester : marc'heien, marc'heion)

1. Soudard war varc'h aveet a-zoare evit brezeliñ da vare ar Grennamzer.
   • Kouezhañ a reont en ul lod, ha, war un dro ganto e kouezh ivez an daou varc'heg. — (Langleiz, Romant ar Roue Arzhur/levrenn I : Marzhin, Al Liamm, 1975, p. 81.)
2. Ezel eus un urzh a varc'hegiezh.
   • War arched ar marc'heg yaouank e oa bet lakaet e gleze. — (Langleiz, Tristan hag Izold, Al Liamm, 1958, eil emb. 1972, p. 207.)
3. Marc'heger (a-wechoù).
4. Pezh er c'hoari echedoù.
   • — Arabat kas ac'hanon aze, a lavare an tour pe ar furlukin, ne welez ket pelech emañ e varc'heg ? — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 207.)

Deveradoù

• marc'hegañ
• marc'hegel
• marc'hegelezh
• marc'heger
• marc'hegerezh
• marc'hegerezhel
• marc'hegezh
• marc'hegiezh

• marc'hegour
• marc'hegouriezh
• marc'hekaat
• marc'hekadeg
• marc'hekadenn
• marc'hekaer
• marc'hekaour

Gerioù kevrennek

• marc'heg-baleer

Troidigezhioù

• esperanteg : kavaliro ^(eo)
• galleg : cavalier ^(fr) , chevalier ^(fr)
• kembraeg : marchog ^(cy)
• kerneveureg : marghek ^(kw)
• saozneg : knight ^(en)
• tchekeg : rytíř ^(cs)

Anv-kadarn

marc'heg

1. Evn, damheñvel ouzh ur c'hioc'h.

Deveradoù

• marc'heg ruz