Giuseppe Verdi

Giuseppe Fortunino Francesco Verdi (sorang i Le Roncole, 10 Oktober 1813 – maninggal i Milan, 27 Januari 1901 i umur 87 taon) ima komponis Italia sian era Romantik na tarutamo targorar dohot opera-opera naibaenna. Gorarnia sataraf dohot Richard Wagner manjadi komponis opera paling marpangaruh i abad pa-19,dot mandominasi dunia musik Italia sidung Bellini, Donizetti, dot Rossini. Karya-karyania biaso ipentaskon i teater opera i duniaon. Sadebana ende tingon opera-opera naibaennia madung ipake i budaya sonnari, i antarana ende-ende songon "La donna è mobile" tingon opera Rigoletto, "Libiamo ne' lieti calici" (The Drinking Song) tingon opera La traviata, "Va, pensiero" (The Chorus of the Hebrew Slaves) tingon Nabucco, "Coro di zingari" tingon Il trovatore dot "Grand March" tingon Aida.

Sidung maninggal panyair sanegarania, Alessandro Manzoni, Verdi manulis Messa da Requiem i taon 1874 manjadi panghormatan tusia. Messa da Requiem saonnari inile majadi adikarya tradisi oratorio sakaligus bukti sinaloannia manulis musik salain opera.[2] Verdi juo aktif i dunia politik. Rap dohot Garibaldi dan Cavour, Verdi igorar manjadi tokoh proses reunifikasi Semenanjung Italia (Risorgimento).