Abu Musa al-Asy'ari

Abu Musa al-Asy'ari (saro Arab: أبو موسى الأشعري), na margorar asli Abdullah bin Qais bin Sulaim al-Asy'ari,ima sala sada sahabat Nabi Muhammad. Abu Musa al-Asy'ari marasal tingon Yaman, dot masuk Islam i Mokkah dompak so tarjadina Hijrah. Ia dot dua sudaro tobangnia Abu Burdah dot Abu Ruhm, rap 50 alak kaumnia maninggalkon Yaman dot dohot marhijrah tu Habasyah dohot manaek dua kapal. Abu Musa dot kaum pangiutnia sidungi marhijrah tu Madinah dot manopot Nabi Muhammad sidung Partompuran Khaibar i taon 628.

Sidung tarlibat iFathu Makkah i taon 629, Abu Musa manjadi sala sada pamimpin pasukan muslim i Partompuran Authas i taon 630. Dua taon sidungi, Nabi Muhammad mangutus Abu Musa dot Mu'adz bin Jabal tu Yaman giot manjadi pamimpin umat dot manyaburkon ajaran Islam i sodun. Hadits tarbonggal na iriwayatkon ni Abu Burdah, tingon amangnia, tingon ompungnia, mandokon molo Nabi Muhammad martongos tu alai dompak soalai maramgkat : "Pamomo amudo dot ulang ipamaol, lehen obar na jop roa dot ulang baen alak marlojong, Marsioloan dot ulang marbada".

Kaum pangiut Abu Musa (na igorar Al-Asy'ariyyin) iobarkon i hadits manjadi alal-alak na ringgas tolong-manolong dot puna sora na jeges dot tajwid molo mambaca Al-Qur'an. Abu Musa juo puna kalobian on, mambaen Nabi Muhammad sscara khusus unjung mamujiia: "botulma, diho madung ilehen (sora songon) suling tingon suling-suling sabagas Nabi Daud".