Ī-sáik-liĕk sĕk-nê ciĕ-puái

Ī-sáik-liĕk sĕk-nê ciĕ-puái (以色列十二支派) sê Ī-sáik-liĕk dâ̤ 3 dâi cū-cŭng Ngā-gáuk (雅各) gì 12 ciáh giāng huák-diēng lì gì 12 ciáh ciĕ-puái. Gì-dṳ̆ng dâ̤ 11 giāng Iók-sáik sê Ăi-gĭk gì siū-sióng, dáik gáu lâng hông gă-sāng, hŭng-biék iù giāng Ī-huák-lèng gâe̤ng Mā-nā-să̤ gié-sìng. Lé-ê ciĕ-puái ciŏng-muòng hó-cáik guāng huák-gôi (法櫃), mò̤ chăng-gă hŭng-puói tū-dê, dêu diŏh gì-tă ciĕ-puái diē-sié, gó-chṳ̄ cūng-só gó sê 12.

Ī-sáik-liĕk sĕk-nê ciĕ-puái

Ī-sáik-liĕk sĕk-nê ciĕ-puái

Gŏng-gé̤ṳ Séng-gĭng, ciā Ī-sáik-liĕk sĕk-nê ciĕ-puái sê:

• Liù-biêng ciĕ-puái (流便支派, Tribe of Reuben): duâi-giāng Liù-biêng gì hâiu-dâi.
• Să̤-miêng ciĕ-puái (西面支派, Tribe of Simeon): nê-giāng Să̤-miêng gì hâiu-dâi.
• Lé-ê ciĕ-puái (利未支派, Tribe of Levi): dâ̤ 3 giāng Lé-ê gì hâiu-dâi.
• Iù-dâi ciĕ-puái (猶大支派, Tribe of Judah): dâ̤ 4 giāng Iù-dâi gì hâiu-dâi.
• Ī-sák-giă ciĕ-puái (以薩迦支派, Tribe of Issachar): dâ̤ 9 giāng Ī-sák-giă gì hâiu-dâi.
• Să̤-buó-lùng ciĕ-puái (西布倫支派, Tribe of Zebulun): dâ̤ 10 giāng Să̤-buó-lùng gì hâiu-dâi.
• Iók-sáik ciĕ-puái (約瑟支派, Tribe of Joseph): dâ̤ 11 giāng Iók-sáik gì hâiu-dâi.
  • Ī-huák-lèng ciĕ-puái (以法蓮支派, Tribe of Ephraim): Iók-sáik dâ̤ nê-giāng Ī-huák-lèng gì hâiu-dâi.
  • Mā-nā-să̤ ciĕ-puái (馬拿西支派, Tribe of Manasseh): Iók-sáik duâi-giāng Mā-nā-să̤ gì hâiu-dâi.
• Biêng-ngā-mīng ciĕ-puái (便雅憫支派, Tribe of Benjamin): dâ̤ 12 giāng Biêng-ngā-mīng gì hâiu-dâi.
• Dáng ciĕ-puái (但支派, Tribe of Dan): dâ̤ 5 giāng Dáng gì hâiu-dâi.
• Ā-siék ciĕ-puái (亞設支派, Tribe of Asher): dâ̤ 8 giāng Ā-siék gì hâiu-dâi.
• Giă-dáik ciĕ-puái (伽得支派, Tribe of Gad): dâ̤ 7 giāng Giă-dáik gì hâiu-dâi.
• Năk-dâi-lé ciĕ-puái (納大利支派, Tribe of Naphtali): dâ̤ 6 giāng Năk-dâi-lé gì hâiu-dâi.