Min Dong language (Eastern Min) is one of the Sino-Tibetan languages spoken natively in Fuzhou, Ningde and Matsu. Not a Min Dong speaker? Please come here if you have any comments or questions.
平話字是專門掏𡅏寫福州話其蜀種羅馬字。伊都領有17芘字母，複合字母共特殊字母僅加底去固有23芘。平話字另外固有5芘符號掏𡅏標注聲調，1芘連字符號掏𡅏連接音節。其實遘現在時，固𣍐曉福州話其茲套羅馬字到底號𡅏什乇名字。中國其學術界都是告伊「教會羅馬字」，因為伊基本都是着教會裏勢使其。平話字茲隻名字是業餘研究福州話其兩隻後生囝敆2005年天熱其辰候起其。嚽是伊各儂學閩南語其羅馬字名字「白話字」起其，因為閩南語其「白話」共福州話其「平話」是蜀樣其意思。現在儂固未討齊有關平話字創作其具體材料，儂家僅中趁零星其材料懸頂得遘仂囝創作其消息。鴉片戰爭以後，趁歐洲共美國來其基督教傳教士為了固好其向中國儂傳教，就去學中國其語言。伊各儂敆學其辰候，按自家其理解，使羅馬字記下來學其內容。之後復有儂去整理茲芘羅馬字，統一字母其寫法。拼寫中國地方語言其各種羅馬字就總款問世去了。趁現有其材料裏勢儂家發現，特早使羅馬字來記福州話其儂是耶魯大學其教授懷德（M. C. White）。伊當時是寫蜀種號𡅏「威廉·瓊斯音標」（System of Sir William Jones）其記音系統來記福州話。(世落讀...)
