À a funtana
À a funtana hè una puesia di Petru Lucciana.
À a funtana
mudificà- O Fiffi, duve stai ? — Da u sciò Sirbé.
- — Hè un brav'omu !... Ti dà ? — Quindeci franchi;
- Ma mi cercu patrone, sai. — Perchè ?
- — Guerdaporpi ùn ne vogliu : sempre à i fianchi
- 'Ssu vechjacciu mi stà ; vene cun mè
- À u mercatu è à i macelli, ch'è ùn li manchi
- Qualchì baiocca merza. — Ah, dici vé !
- Riguerdà a spesa à noi! — Parlemu franchi!
- S'è ogni ghjornu ùn si raspa ind'u mercatu,
- E buttine è i scignò cume pagà ?
- Eppoi, quandu s'incontra u innamuratu,
- Omu si resta un pocu à chjachjarà,
- Un'oretta, ancu duie pè piglià fiatu,
- È cù u patrone à e zanche ùn pò più andà.
- — In quantu à mè, ùn mi possu lamintà :
- Ùn sò serva ma sputica patrona.
- Entru in casa è ne sciortu à vuluntà,
- È di ghjornu è di notte ; una persona
- Aghju pè piglià l'acqua è pè lustrà;
- È quandu vogliu, chjamu anc'à Simona
- Chì m'aiuta à fà i letti è a cucinà,
- In somma eo stò cum'una papachjona.
- — È quant'hai ? — Vinti franchi à u mese.
- — Imbeh ! — È ùn ci hè nisciunu chì mi dia frastornu,
- Ch'aghju unu solu à cuntentà : u sgiò Gè.
- — Ah, u to patrone hè Geniu Scorisè !
- Allora a casa toia sumiglia un fornu
- Travagli più di notte ch'è di ghjornu !