17 di ghjennaghju

Avenimenti

Nascite

Morti

Celebrazioni

Ligami esterni

In Corsica

Santi

U 17 di ghjennaghju hè u 17^u ghjornu di l'annu in u calendariu gregurianu. Restanu 348 ghjorni à a fine di l'annu (349 sì hè bisestile).

1906: Armand Fallières hè elettu Presidente di la Francia.
1913: Raymond Poincaré hè elettu Presidente di la Francia.

- 1600: Pedro Calderón de la Barca scrittore spagnolu.

1567 - Sampieru Corsu, cunduttieru è patriottu corsu

Santu Antone abbate, dettu dinù Antone Magnu, o Antone di u porcu, o Antone di mezu ghjennaghju per ùn cunfondelu cù Antone di Paduva, festighjatu u 13 ghjugnu.

Antone hè natu in Egittu versu l'annu 255. A' l'età di vinti anni, leghjendu u Vangellu di San Lucca, truvò ste parulle di Ghjesù: "Vendi ciò chè tù ai, dallu à i poveri, è seguitami". Cusì fece. Si n'andò in u desertu, dentru un castellu abbandunatu. Ci passò una vintina d'anni cù un porcu chì l'avia raghjuntu. Quandu ellu pregava, u porcu facia u tazzu; a notte li facia vede bellissime donne. Era u diavule.

Quand'ellu ebbe cinquanta anni, Antone hè statu raghjuntu da altri chì vulianu campà sulitarii. E' cusì sò nati munasteri di rimiti, d'omi spernucciati nantu à un certu reghjone, ma cuntrullati da un abbate.

Sette anni dopu, l'hè chjappa torna a voglia di campà solu, è ghjè partutu versu u Mare Rossu. Hè mortu u 17 ghjennaghju di l'annu 356; avia più di centu anni.

Etimolugia: forse da "Antonius", casata rumana.

Casate: Antognetti, Antonelli, Antonetti, Antoni, Antonietti, Antonini, Antonioli, Antoniotti, Tognati, Tognetti, Togni, Tognini, Tognoli, Tognotti, Tonelli, Toniati, Toninelli, Tonioli .

Nomi: Anthony, Antoine, Antoinet, Antoinette, Antoinon, Anton, Antone, Antonella, Antoni, Antonia, Antonien, Antonienne, Antonin, Antonine, Antunietta, Tognu (V. Santu Tognumaria Zaccaria, 5 lugliu, è Santu Tognumaria Claret, 24 uttobre), Toinette, Toinon, Toni, Tonies, Tonia, Tonio, Toniu, Tony, Tugnu, Tunietta.

In Corsica, in u 1981, u nome Antone venia à u secondu rangu di i nomi maschili dopu à Ghjuvanni. Era quellu di 68 omi nantu à mille. Antunietta era à u quartu rangu di i nomi feminili dopu à Maria, Ghjuvanna, è Francesca. Era quellu di 23 donne nantu à mille.

Paesi è cità: Ampurias in Sardegna. In Corsica: Aiacciu, Aregnu, Campumoru, Casalabriva, Figarella, u Lucu di Venacu, Mezavia, Partinellu, i Pughjali di Muru, a Riventosa, San Gavinu di Fiumorbu, Serra di Ferru, Siscu.

Prutezzione: Santu Antone prutegge l'animali dumestichi. U preganu pè e malatie di a pelle è pè e malatie appigliaticcie.

Pruverbii: San Lurenzu gran calura, Sant'Antone gran friddura, l'una è l'altra pocu dura.

Santu Antone di Paduva, cf u 13 ghjugnu.[1]

Ghjennaghju

Storia di a Corsica Archiviu 2006-07-28 at the Wayback Machine
Almanaccu Adecec 2007 Archiviu 2007-02-12 at the Wayback Machine