Léon Walras

Marie Esprit Léon Walras (natu u 16 di decembre di u 1834 in Évreux, è mortu u 5 di ghjennaghju di u 1910 in Clarens, Svizzera) fù un economistu francese associatu cù a creazione di a teoria di l'equilibriu generale.

Ritrattu di Léon Walras

Fù consideratu da Joseph Schumpeter cumu unu di i più grandi economisti.

Ebbe una influenzia maiò, ancu dopu a so morte, sopr'è economisti cumu Kenneth Arrow è Gérard Debreu, chì anu anch'elli travagliatu nant'a teoria di l'equilibriu generale (è anu ricevutu u Prezzu Nobel pè quesse ricerche).

Biografia

A tomba di Walras è a so figliola Marie Aline (1869-1942) in u cimiteru di Clarens in u cantone svizzeru di Vaud.

Walras era u figliolu di Auguste Walras, un altru economistu francese, chì s'era interessatu à a reforma suciale è agraria.

Walras fece e so studie primu in u collegiu di Caen, pò in u liceu di Douai. Diventò baccillieru-ès-lettere in u 1851, è baccillieru-ès-scienze dui anni dopu. Hè accitatu in u 1854 in l'École des Mines in Parigi, ma e studie d'ingeneriu ùn l'interessonu micca, è abandunò sta scola. Finisce i so studie in filosofia, storia è ancu economia pulitica.

Antoine-Augustin Cournot, un cundiscepulu di u so babbu, li inculcò u raziunalisimu è l'usu di e matematiche in l'economia.

Léon Walras si dichjarava socialistu.

U fundatore di u marginalisimu

Cù William Jevons, Carl Mendger, ma independamente d'elli, inventò u cuncettu d'«utilità marginale».

In u senu di ciò chì pudemu chjamà a «rivoluzione marginalista», tantu i cuncetti sò novi riguardu à a teoria classica di u valore, fundò a Scola di Lausanne. Difatti, pudemu fà a distinzione tra trè scole marginaliste :

• a Scola di Lausanne, cù Léon Walras, è u so successore Vilfredo Pareto
• a Scola di Vienna, cù Carl Menger
• a Scola di Cambridge, cù William Jevons

U tastighjime walrasinu

U tastighjime walrasinu hè u nome datu à un mecanisimu di fissazione di i prezzi.

Walras imagineghja un persunaghju fittivu : u «commissaire priseur», chì deve fissà i prezzi. In u principiu di u ciclu, i vendidori è i cumpradori si prisentanu nant'u mercatu. U cummissariu annunzia un prezzu, è riceve informazione nant'a dumanda è l'ufferta à 'ssu prezzu. S'è l'equilibriu ùn si face à 'ssu prezzu, ne fissa un altru, fin'à chì l'equilibriu si faccia.

Opare maestre

Théorie mathématique de la richesse sociale, 1883

• Francis Saveur, 1858.
• "Annantu à a pruprietà intellettuale - De la propriété intellectuelle", 1859, in u Journal des économistes.
• L'économie politique et la justice; Examen critique et réfutation des doctrines économiques de M. P.J. Proudhon précédes d'une introduction à l'étude de la question sociale, 1860.
• "Paradossi economichi - Paradoxes économiques I", 1860, in u Journal des économistes.
• "Teuria critica di l'impositu - Théorie critique de l'impôt", 1861.
• Annantu à l'impositu in u cantone di Vaud - De l'impôt dans le Canton de Vaud, 1861.
• Les associations populaires de consommation, de production et de crédit, 1865.
• "A borsa è u creditu - La bourse et le crédit", 1867, Paris Guide.
• Ricerca di l'ideale suciale - Recherche de l'idéal social, 1868.
• "Principu d'una teuria matematica di u scambiu - Principe d'une théorie mathématique de l'échange", 1874, in u Journal des économistes.
• Elementi d'ecunumia pulitica pura - Éléments d'économie politique pure, ou théorie de la richesse sociale
• "Currespundenza trà M. Jevons, prufessore à Manchester, è M. Walras, prufessore à Lausanna - Correspondance entre M. Jevons, professeur a Manchester, et M. Walras, professeur a Lausanne", 1874, in u Journal des économistes.
• "Un nuovo ramo della matematica. Dell' applicazione delle matematiche all' economia politica", 1876, in u Giornale degli economisti.
• Teuria matematica di a ricchezza suciale - Théorie mathématique de la richesse sociale, 1883.
• "Notice autobiographique de Léon Walras", 1893.
• Études d'économie sociale; Théorie de la répartition de la richesse sociale, 1896.
• Études d'économie politique appliquée; Théorie de la production de la richesse sociale, 1898.
• "Teuria di u creditu - Théorie du crédit", 1898, Revue d'économie politique.
• "Annantu à l'equazione di a circulazione - Sur les équations de la circulation", 1899, Giornale degli economisti
• "Cournot è l'Ecunumia Matematica - Cournot et l'Économique Mathématique", 1905, Gazette de Lausanne.
• "A pace per a Ghjustizia suciale è u liberu scambiu - La Paix par la Justice Sociale et le Libre Échange", 1907, Questions Pratiques de Legislation Ouvrière.
• U Statu è u camminu di ferru - L'état et le chemin de fer.
• "Leone Walras, Autobiografia", 1908, Giornale degli Economisti.
• "Un initiateur en économie politique, A.A. Walras", 1908, La Revue du Mois.
• "Ecunumia è meccanica - Économique et méchanique", 1909, Bulletin de la Société Vaudoise de Sciences Naturelles

Da vede dinò

• teoria di l'equilibriu generale
• microeconomia