Madera

Madera (portughese: Madeira) hè un arcipelagu vulcanicu situatu in l'Uceanu Atlanticu, à u largu di e coste marocchine. Hè una regione autonoma di u Portugallu: a regione autonoma di Madera (Região Autónoma da Madeira in portughese). A so capitale hè Funchal, chì si trova à u sudu di l'isula principale. A superficia di l'arcipelagu hè di 801 km², è a so pupulazione di 250.769 abitanti (in u 2021).

WikiLettera

'Ssu artìculu hè in custruzzione. Pudete cuntribuisce à a so redazzione.

Giugraffia

Situazione giugrafica

L'arcipelagu hè situatu in l'Uceanu Atlanticu, à 650 km à l'uvestu di u Maroccu, à 800 km à u suduvestu di u cuntinente auropeu, à 960 km à u sud este di l'Azore è à 480 km à u nordu di l'isule Canarie.

Isule

L'isula di Madera hè a più grande di l'arcipelagu

São Roque do Faial, Madera

Madera hè un arcipelagu vulcanicu. L'ultima eruzzione vulcanica hè accaduta 6.000 o 7.000 anni fà. Face parte di a Macarunesia, cum'è l'Azore, Capu Verde è l'isule Canarie.

Parechje isule cumpiglianu l'arcipelagu. A più grande hè l'isula di Madera, cù una superficia di 740,7 km² è a sicunda hè l'isula di Porto Santo.

Isule o gruppi d'isule
Nome	Superficia	Pupulazione
Madera	740,7 km²	245.595
Porto Santo	42,5 km²	5,158
Isule Desertas	14,2 km²	Disabitate
Isule Selvagens	3,6 km²	Disabitate

Rilievu

Per via di e so urigine vulcaniche, l'arcipelagu di Madera, chì apartene à a Macarunesia, hè cumpigliatu d'isule muntagnose. A più alta hè l'isula principale, l'isula di Madera. A so cima hè u Pico Ruivo cù un altitudine di 1.862 metri.

Clima

Piantazione di banane à Funchal

Madera hè situata in a zona subtrupicale. Per via di l'altitudine di l'isule è di e so pusizione giugrafiche, l'arcipelagu pussede parechji climi sfarenti. U nordu di l'isula di Madera hà un clima subtrupicale ùmedu cù più di 2.000 mm di piove per annu, è u sudu pussede un clima mediterraniu, cum'è Funchal, chì riceve in media 650 mm di piove per annu. L'isula Porto Santo hà un clima steppicu, cù 362 mm/annu.

E timpertaure sò dulce tuttu l'annu. A Funchal, a timpertura media in u dopu meziornu in invernu hè di 19°C, è di 26°C in istati. A timperatura a più calda registrada à Funchal hè di 38°C, è e timperature sò gusgì mai inferiore à 10°C. A dulcezza di stu clima permette a piantazione di spezie di piante trupicale, cum'è a banana.

Biudiversità

A laurisilva di Madera

A biudiversità di l'arcipelagu hè assai ricca. Grazie à u clima subtrupicale, l'isula di Madera hè cuperta in a so maiò parte da a laurisilva, una furesta ùmeda tipica di l'isule di a Macarunesia, cumpigliata d'arburi sempreverdi cum'è u lauru.

L'isula di Porto Santo, induv'è u clima hè steppicu, pussede paesaghji guasgì disertichi cù una vegetazione bassa è secca.

Ci sò 3 zone di vegetazione sfarente per via di u clima è di l'altitudine, nantu à l'isula di Madera:

a zona subtrupicale da u nivellu di u mare sin'à 300 metri d'altitudine: in questa zona si cultiva principalmente a canna da zuccaru è a banana. Nantu à a costa sudu, i fichi d'india sò numerosi.
a zona timperata calda da 300 à 750 metri d'altitudine: u clima hè guasgì mediterraniu, si cultiva a vigna, i cereali (mais, granu, avena), l'agrumi, a manga o ancu l'avucatu.
a zona timperata fretta à partesi di 750 metri d'altitudine: u clima hè più frettu, si trova fureste di pini, d'acacia, di mimosa, d'allori è di filette.

Storia

Cultura

Pulitica è administrazione

E 11 cumune di a regione autonoma di Madera

Madera hè una regione autonoma di a Ripublica portughese dapoi u 1976 cù un guvernu autonomu è un assemblea legislativa regiunale. L'attuale presidente di u guvernu regiunale hè Miguel Albuquerque, dapoi u 2015.

A cità di Funchal hè a capitale di a regione.

A regione autonoma hè spartuta in 11 cumune: Calheta, Câmara de Lobos, Funchal, Machico, Ponta do Sol, Porto Moniz, Porto Santo, Ribeira Brava, Santa Cruz, Santana è São Vicente.

Dimugraffia

Funchal

Prima di l'arrivu di i Purtughesi in u 1419, l'arcipelagu era disabitatu. A pupulazione di Madera vene in a so maiò parte da u Portugallu o d'altri paesi di u cuntinente auropeu.

A pupulazione di a regione hè di 250.769 abitanti in u 2021, cù una densità di pupulazione di 334 ab./km².

Funchal hè a cità più pupulata di l'arcipelagu cù una pupulazione di 105.795 abitanti (in u 2021 dinù).

E principale cità di l'arcipelagu
	Cità	Pupulazione (annu)
1.	Funchal	105.795 (2021)
2.	Câmara de Lobos	35.666 (2011)
3.	Caniço	23.368 (2011)
4.	Machico	19.617 (2021)
5.	Santa Cruz	7.136 (2021)

Ecunumia

U turisimu è l'agricultura sò e principale attività ecunumiche di a regione.

Galleria d'imagine

Madera
Porto Santo
Funchal