Scopa (arbustu)

A scopa
Erica arborea
Classificazioni scentifica
Regnu	Plantae
Divisioni	Magnoliophyta
Classa	Magnoliopsida
Ordini	Ericales
Famiglia	Ericaceae
Genaru	Erica
Nomu binuminali
Erica arborea Linnaeus, 1753

A scopa (Erica arborea) hè una spezia di pianta chì faci parti di a famiglia di l'Ericaceae. A scopa hè ancu chjamata a scopa maschili, in cuntrastu incù a scopa feminiccia.

Discrizzioni

A scopa hè una spezia di pianta à fiora appartinendu à a famiglia di l'Ericaceae. Hè un arbustu à fogli parsistenti chì pò aghjunghja un'altezza da 2 à 5 metri. I so casci sò chjuchi, stretti è verdi scuru, incù una tissitura dura. I fiora di a scopa sò ragruppati in gaspi terminali è sò di culori biancu o rusulina pallidu. Sò carattarizati da longhi stamini chì varcani i pitali.

Ripartizioni

A scopa hè urighjinaria di u righjonu mediterraniu, ind'edda hè largamenti sparta. Omu a trova par u più in i paesi tali a Spagna, l'Italia, a Grecia è a Turchia. Eppuri, hà ancu statu intradutta in altri righjoni di u mondu, in particulari in Africa suttana, in Australia è in Nova Zilanda.

Erica arborea hè prisenti è mori cumuna in Corsica.

Biulugia

'Ssa spezia hè bè adatta à i cundizioni mediterranii, carattarizati da istati caldi è asciutti è inverni dolci è umiti. L'Erica arborea cresciu di regula annantu à i terri aciti è beddi assiccati, tali i terri rinosi o rucciosi. Hè capaci à risista à i periudi di sicchina grazia à i so radichi fondi chì li parmettini d'assurbiscia l'acqua in prufundità.

Tassunumia

Erica arborea hè ancu cunnisciuta sottu à altri noma scentifichi, tali Erica arborea var. alpina è Erica arborea var. longifolia. 'Ssi noma sò à spessu apradati pà disignà variazioni di 'ssa spezia chì prisentani carattaristichi appena diffarenti, tali casci più longhi o una ripartizioni giugrafica spicifica.

Cunsirvazioni

L'Erica arborea hè cunsidarata com'è una spezia di cuncernu par causa di a distruzzioni di u so ambienti naturali. L'attività umani, tali l'urbanisazioni è l'agricultura intinsiva, ani addistratu|caghjunatu una diminuzioni di a so pupulazioni in numarosi righjoni. Di più, a cugliera eccessiva di 'ssa pianta par un usu urnamintali hà ancu cuntribuitu à a so diminuzioni. Misuri di cunsirvazioni sò nicissarii par pruteghja 'ssa spezia è prisirvà a so diversità genetica.

Scopa (arbustu) - Borga da Prunelli (fiume).

Ecunumia

A tama di a scopa hè usata par fabricà i pippi.

In Corsica

A scopa hè cumuna in Corsica. Com'è a ghjinestra o l'arbitru, a scopa hè tipica di a machja corsa.

Citazioni

A scopa hè mintuvata à spessu in a cultura è in a litteratura corsa. Par asempiu:

• in u pruverbiu: Accantu u focu, a scopa ci stà mali.: chì a scopa si ni brusgia subitu subitu. Ma si dici dinò: Accantu u focu, a stoppa ci stà mali. o Accantu u focu, a paglia ci stà mali.
• in a sprissioni: buciardu cum'è a scopa: chì a scopa fiurisci è faci mori fiora, ma ùn dà micca frutti.
• in a paghjella tradiziunali:

O cara lu nostru amore quantu pocu n'hè duratu

Hè principiatu d'aprile di maghju s'hè terminatu

Hà fattu cum'è la scopa hà fiuritu è ùn hè granatu

Rifarimenti

• Jeanmonod D. & Gamisans J. (2013) Flora Corsica (2 ed), Edisud.

Da veda dinò

• a scopa feminiccia
• a scopa: u ghjocu di carti
• l'arburetti di Corsica

Altri prugetti

• Erica arborea annantu à Wikimedia Commons.