Emilia-Romagna

Rhanbarth yng ngogledd yr Eidal yw Emilia-Romagna. Bologna yw'r brifddinas; dinasoedd pwysig eraill yw Modena, Parma, Reggio Emilia, Ravenna a Rimini.

Emilia-Romagna

Math	rhanbarthau'r Eidal
Enwyd ar ôl	Romagna, Emilia
Prifddinas	Bologna
Poblogaeth	4,459,477
Pennaeth llywodraeth	Stefano Bonaccini
Cylchfa amser	UTC+01:00, UTC+2
Gefeilldref/i	Hessen, Ibaraki
Nawddsant	Apollinaris
Daearyddiaeth
Gwlad	Yr Eidal
Arwynebedd	22,123.09 km²
Uwch y môr	211 metr
Gerllaw	Môr Adria
Yn ffinio gyda	Veneto, Lombardia, Piemonte, Liguria, Toscana, Marche
Cyfesurynnau	44.75°N 11°E
IT-45
Gwleidyddiaeth
Corff gweithredol	Llywodraeth Emilia-Romagna
Corff deddfwriaethol	Cynulliad Deddfwriaethol Emilia-Romagna
Swydd pennaeth   y Llywodraeth	arlywydd Emilia-Romagna
Pennaeth y Llywodraeth	Stefano Bonaccini
Mynegai Datblygiad Dynol	0.909
Ffeiliau perthnasol ar Comin

Saif Emilia-Romagna rhwng y Môr Adriatig yn y dwyrain, afon Po yn y gogledd a mynyddoedd yr Appenninau yn y de. Ffurfiwyd y rhanbarth trwy uno rhanbarthau hanesyddol Emilia a Romagna. Caiff Emilia ei henw o'r via Æmilia, y ffordd Rufeinig o Rufain i ogledd yr Eidal.

Rhennir y rhanbarth yn naw talaith: Bologna, Ferrara, Forlì-Cesena, Modena, Parma, Piacenza, Ravenna, Reggio Emilia a Rimini. Amaethyddiaeth a'r diwydiant bwyd yw'r elfen bwysicaf yn yr economi, gyda diwydiannau bwyd yn Parma a Bologna. Mae'r diwydiant ceir yn bwysig hefyd, gyda Ferrari, Ducati, Lamborghini a Maserati yn cael eu cynrychioli yma. Mae mentrau cydweithredol yn arbennig o gyffredin yn Emilia-Romagna, ac mae'r chwith yn gryf yma yn wleidyddol.

Yng Nghyfrifiad 2011 roedd gan y rhanbarth boblogaeth o 4,342,135.

Lleoliad Emilia-Romagna yn yr Eidal

Rhennir y rhanbarth yn naw talaith a enwir ar ôl eu canolfannau gweinyddol, sef:

• Bologna
• Ferrara
• Forlì-Cesena (Forlì yw'r ganolfan weinyddol)
• Modena
• Parma
• Piacenza
• Ravenna
• Reggio Emilia
• Rimini

Taleithiau Emilia-Romagna