IMMAGINE&POESIA

IMMAGINE&POESIA
Enghraifft o'r canlynol	mudiad gwirfoddol
Dechrau/Sefydlu	2007
Ffurf gyfreithiol	mudiad gwirfoddol
	Ffeiliau perthnasol ar Gomin Wicimedia

Sefydlwyd IMMAGINE&POESIA ("Delwedd a Barddoniaeth"), sy'n fudiad celf a llenyddiaeth ryngwladol, yn Alfa Teatro, Torino, yr Eidal yn 2007, gyda nawdd Aeronwy Thomas, merch y bardd Dylan Thomas. ^[1] Aeronwy Thomas (bardd a llenor), Gianpiero Actis (arlunydd), Silvana Gatti (arlunydd), Sandrina Piras (bardd), a Lidia Chiarelli oedd yr Aelodau Siartr, prif symbylydd ideolegol, a threfnydd y mudiad. Daeth y bardd Americanaidd Lawrence Ferlinghetti yn aelod o Bwyllgor ar Anrhydedd IMMAGINE&POESIA yn 2009. Aelod arall uchel ei barch yw'r bardd Beverly Matherne, sy'n athro prifysgol ym Mhrifysgol Gogledd Michigan.

Delwedd IMMAGINE&POESIA

Maniffesto

Mae maniffesto'r mudiad ar gael wedi'i gyfieithu i 28 iaith. ^[2] Mae'n cynnwys deg pwynt. Mae'r pedwerydd ohonynt yn awgrymu cael "cyfnodau o groes-ffrwythloni" i artistiaid a beirdd er mwyn cefnogi'r ddamcaniaeth y gall testun llenyddol ysbrydoli gwaith celf a gwaith celf yr un fath yn achos creu testun llenyddol: yn ôl y maniffesto mae hyn yn arwain at ffurf gelfyddydol newydd a chyflawn.^[3]

Arddangosfeydd

Ers 2007, mae'r mudiad yn trefnu darlleniadau barddoniaeth ac arddangosfeydd sy'n cyfuno delweddau a geiriau. Y pwysicaf o'r rhain hyd yn hyn yw:

The Object, Neuadd Alfa Teatro, Torino, Yr Eidal, 2007
I Colori delle Parole: Gianpiero Actis responds to Aeronwy Thomas, Canolfan Dylan Thomas, Abertawe, Cymru, 2007
Streetlamp & Moon, Arte Città Amica, Torino, Yr Eidal, 2008
The Door, Oriel Gelf Torino, Torino, Yr Eidal, 2009
Omaggio alla poesia di Lawrence Ferlinghetti, Arte Città Amica, Torino, Yr Eidal 2010
Colors of shadow and other works, Clifton Arts Center, Clifton, New Jersey, Unol Daleithiau America, 2011
IMMAGINE&POESIA in Monte Carlo, permanent exhibition, Hôtel Olympia, Monte Carlo - Beausoleil, Côte d'Azur, 2011
Rhythms...Winter to Fall and Other Works, Baffa Gallery, Sayville, Dinas Efrog Newydd, Unol Daleithiau America, 2011^[4]
Immagine & Poesia au Cyberespace, Beausoleil, France, 2012
Colours Peace and Solidarity - Årjängs Bibliotek, Årjäng, Sweden, 2013
Abstracting Abstraction: poetry in collaboration with American artist Adel Gorgy, Baffa Gallery - Sayville,Dinas Efrog Newydd, Unol Daleithiau America 2013

Llyfryddiaeth

Lidia Chiarelli Immagine & Poesia - The Movement in progress, Cross-Cultural Communications, Merrick, New York, 2013 ISBN 978-0-89304-994-2
Aeronwy Thomas a Gianpiero Actis, I Colori delle Parole: percorsi tra arte e poesia, Arti Grafiche Zuccarello, Sant'Agata Militello (ME), 2007
Dylan Thomas Festival Exhibitions, yn Rhaglen Canolfan Dylan Thomas, Abertawe, Medi - Rhagfyr 2007
In contatto con Lawrence Ferlinghetti, yn Arte Città Amica News, Torino, 6ed flwyddyn, rhif 1, Ionawr 2010
Omaggio alla poesia di Lawrence Ferlinghetti, inserto "TO.7", "La Stampa", 3 Medi 2010
The Seventh Quarry Issue 13, Winter 2011, Swansea Poetry Magazine, Chwefror 2011, 70

Oriel

Poster IMMAGINE&POESIA (2008) gan Gianpiero Actis, Yr Eidal
Cardiau i "goeden ddymuno" Yoko Ono ym MoMA, Efrog Newydd
Mae'r paentiad The Paper Crane gan Misako Chida (Japan) yn ymateb i'r gerdd gan Sally Crabtree, Calender
IMMAGINE and POESIA, ffoto celf gain gan Adel Gorgy i fynd gyda thraethawd Mary Gorgy, Immagine & Poesia...Then and Now
Art&Poetry Tree, gwaith Lidia Chiarelli i'r brosiect IMMAGINE&POESIA: gall pobl hongian cerddi a chardiau darluniadol ar y goeden (Promotrice delle Belle Arti, Torino, yr Eidal)
Times Square Lights, ffoto celf gain gan Alessandro Actis (Yr Eidal) a ysbrydolwyd gan y gerdd Times Square^[5]