Mici Plwm
Actor a digrifwr o Gymro yw Mici Plwm (ganwyd 12 Mehefin 1944).[1] Mae'n fwyaf adnabyddus am arloesi gyda disgos Cymraeg yn y 1960au a chwarae y cymeriad hoffus 'Plwmsan' ers y 1970au hwyr.
| Mici Plwm | |
|---|---|
| Ganwyd | 12 Mehefin 1944  Ffestiniog |
| Dinasyddiaeth |  Cymru |
| Galwedigaeth | actor, troellwr disgiau, cyfarwyddwr |
Bywyd cynnar
golyguGanwyd Michael Lloyd Jones yn Llan Ffestiniog, Sir Feirionydd yn ail o bedwar plentyn i Huw Morris Jones (Huw Môr) a Daphne Eva Jones (neé Harrison). Daeth ei fam i fyw yn ardal Blaenau Ffestiniog adeg yr Ail Ryfel Byd gyda'i rhieni, Mr a Mrs Barnett Harrison.[1] Nid oedd ei blentyndod yn un hawdd am fod ei fam wedi treulio cyfnodau mewn ysbyty meddwl. Fe magwyd y teulu yng nghartref plant Bryn Llywelyn.
Aeth i Ysgol Gynradd Llan Ffestiniog (Ysgol Bro Cynfal erbyn hyn) a Ysgol Sir Ffestiniog (Ysgol y Moelwyn erbyn hyn).[2]
Yn y 1960au roedd yn troelli disgiau dan yr enw 'DJ Plummy'. Fe'i ysbrydolwyd gan ymgyrchoedd iaith Cymdeithas yr Iaith i gael gwared o'i recordiau Saesneg a cychwynodd y Disco Cymraeg cyntaf gan newid ei enw DJ i Mici Plwm. Bu 'Disco Teithiol Mici Plwm' yn teithio o gwmpas clybiau a neuaddau pentref trwy Gymru am ugain mlynedd gan rannu llwyfan gyda bandiau fel Edward H Dafis.
Cymerodd Mici ran yn ymgyrchoedd Cymdeithas yr Iaith ac, yn rhan o'r ymgyrch dros sianel deledu Gymraeg, dringodd fast trosglwyddo Llanddona; derbyniodd ddedfryd o 12 mis o garchar gohiriedig.[3]
Gyrfa
golyguDaeth yn enwog yn ystod yr 1970au a'r 1980au am chwarae rhan 'Plwmsan y Twmffat Twp' yn y rhaglenni teledu Teliffant ac Anturiaethau Syr Wynff a Plwmsan ynghyd â Wynford Ellis Owen.
Ymddangosodd ar y llwyfan gyda Cwmni Theatr Gwynedd yn eu cynhyrchiad o Y Gelli Geirios.[4]
Roedd yn Gyfarwyddwr Artistig Theatr Ardudwy, Harlech, rhwng 2002 a 2004.[5]
Mae'n byw yn Harlech, Caerdydd a Phwllheli ac mae'n mwynhau gwyliau aml ar Ynys Agistri, Groeg.
Mae'n rhedeg y cwmni cysylltiadau cyhoeddus 'MP'.
Bu'n gynghorydd ar Gyngor Tref Pwllheli ers 2011. Fe'i etholwyd yn Faer Tref Pwllheli ym mis Mai 2021.[6]
Ffilmyddiaeth
golygu- Teliffant (1972) (cyfres deledu) .... Plwmsan y Twmffat Twp
- Anturiaethau Syr Wynff a Plwmsan (1982) (cyfres deledu) .... Plwmsan y Twmffat Twp
- Anturiaethau Jini Mê (1991) (cyfres deledu) .... Wmffra Bol Bisgets
- Caffi Sali Mali (1994) (cyfres deledu) .... Pry Bach Tew
- Gwyliwch Nhw'n Tyfu (1996) (fideo) .... Llais
- Ding Dong (1998) (cyfres deledu) .... Bobi
- Porc Peis Bach (2000) (cyfres deledu) .... Aelwyn
Cyfeiriadau
golygu- ↑ 1.0 1.1 Bywyd Mici. BBC (7 Tachwedd 2002). Adalwyd ar 1 Chwefror 2016.
- ↑ Dod i nabod - Mici Plwm. Y Cristion (Medi/Hydref 1998). Adalwyd ar 1 Chwefror 2016.
- ↑ Mici Plwm yn dathlu 50 mlynedd Cymdeithas yr Iaith , Golwg, 4 Mehefin 2011. Cyrchwyd ar 1 Chwefror 2016.
- ↑ Rhaglen Cwmni Theatr Gwynedd o Y Gelli Geirios.
- ↑ Theatre director stands down (en) , 2 Ionawr 2004. Cyrchwyd ar 1 Chwefror 2016.
- ↑ Gair gan Y Maer, Mici Plwm. Cyngor Tref Pwllheli. Adalwyd ar 14 Mai 2021.