UEFA

Yr Undeb Cymdeithasau Pêl-droed Ewropaidd neu UEFA (Saesneg: Union of European Football Associations, Ffrangeg Union des associations Européennes de football‎) ydi'r corff llywodraethol ar gyfer pêl-droed yn Ewrop er fod sawl aelod â thiriogaethau sy'n rhanol neu'n llwyr ar gyfandir Affrica ac Asia. Mae UEFA yn un o chwe chonffederasiwn corff llywodraethol y byd pêl-droed, FIFA, ac mae 54 o gymdeithasau pêl-droed yn aelodau.

UEFA

Enghraifft o'r canlynol	corff llywodraethu chwaraeon rhyngwladol, ffederasiwn pêl-droed, sefydliad di-elw
Dechrau/Sefydlu	15 Mehefin 1954
Aelod o'r  canlynol	Ffederasiwn Rhyngwladol y Cymdeithasau Pêl-droed
Rhiant sefydliad	Ffederasiwn Rhyngwladol y Cymdeithasau Pêl-droed
Pencadlys	Nyon
Gwladwriaeth	Y Swistir
Gwefan	https://www.uefa.com
Ffeiliau perthnasol ar Gomin Wicimedia

Mae UEFA yn cynrychioli cymdeithasau pêl-droed cenedlaethol Ewrop, yn rhedeg cystadlaethau rhyngwladol a chystadlaethau clwb gan gynnwys Pencampwriaeth UEFA Ewrop, Cynghrair y Pencampwyr UEFA, Cynghrair Europa UEFA a Super Cup UEFA. Mae UEFA yn rheoli'r arian gwobr, y rheolau, a'r hawliau darlledu ar gyfer y cystadlaethau hynny.

Lleolwyd pencadlys cyntaf UEFA ym Mharis cyn iddynt symud i Bern ym 1959 ond ym 1995 symudodd UEFA ei bencadlys i dref Nyon yng ngorllewin y Swistir. Michel Platini ydi'r llywydd presennol.

Hanes

Ffurfiwyd UEFA ar 15 Mehefin 1954 mewn cyfarfod yn Basel, y Swistir yn dilyn trafodaethau rhwng Cymdeithasau pêl-droed Yr Eidal, Ffrainc a Gwlad Belg gyda 31 o gymdeithasau yn cytuno i uno o dan orychwyliaeth y corff newydd.

Aelodau

Mae 54 aelod yn UEFA gyda sawl gwlad trawsgyfandirol yn dewis bod yn rhan o UEFA yn hytrach na Chonffederasiwn Pêl-droed Asia (AFC). Y gwledydd hyn yw Armenia, Aserbaijan, Casachstan, Cyprus, Georgia a Rwsia.

Mae Israel wedi bod yn aelodau UEFA ers 1994 ar ôl cael eu diarddel o'r AFC ym 1974. Mae Casachstan hefyd yn gyn-aelodau o'r AFC.

• Yr Alban
• Albania
• yr Almaen
• Andorra
• Armenia
• Aserbaijan
• Awstria
• Belarws
• Bosnia a Hercegovina
• Bwlgaria
• Casachstan
• Croatia
• Cymru
• Cyprus

• Denmarc
• yr Eidal
• Estonia
• y Ffindir
• Ffrainc
• Georgia
• Gibraltar
• Gogledd Iwerddon
• Groeg
• Gweriniaeth Iwerddon
• Gwlad Belg
• Gwlad Pwyl
• Gwlad yr Iâ
• Hwngari

• yr Iseldiroedd
• Israel
• Latfia
• Liechtenstein
• Lithwania
• Lwcsembwrg
• Lloegr
• Macedonia
• Malta
• Moldofa
• Montenegro
• Norwy
• Portiwgal

• Romania
• Rwsia
• San Marino
• Sbaen
• Serbia
• Slofacia
• Slofenia
• Sweden
• y Swistir
• Twrci
• Wcráin
• Ynysoedd Faroe
• Y Weriniaeth Tsiec

Cyn-aelodau

• Undeb Pêl-droed Saarland (1954–1956)
• Cymdeithas Bêl-droed Gweriniaeth Ddemocrataidd yr Almaen (1954-1990)
• Ffederasiwn Pêl-droed yr Undeb Sofietaidd (1954-1991) daeth yn Undeb Pêl-droed Rwsia ym 1992 gyda'r 14 cyn Weeriniaeth Sofietaidd yn creu eu cymdeithasau eu hunain gan ddod yn aelodau unigol o FIFA ac UEFA neu'r AFC.
• Cymdeithas Bêl-droed Iwgoslafia (1954–1992) daeth yn Gymdeithas Bêl-droed Serbia a Montenegro ym 1992. Daeth Bosnia-Hertsegofina, Croatia, Macedonia a Slofenia yn annibynnol a chreu eu cymdeithasau pêl-droed eu hunain.
• Cymdeithas Bêl-droed Serbia a Montenegro (1992–2006) daeth yn Gymdeithas Bêl-droed Serbia yn 2006. Creodd Montenegro, oedd wedi sicrhau annibyniaeth, ei cymdeithas bêl-droed ei hun.

Pencampwyr presennol

Pencampwriaeth	Pencampwyr	Cyst. nesaf
Pencampwriaeth UEFA Ewrop	Sbaen	2016 (Meh-Gorff)
Pencampwriaeth dan21 UEFA Ewrop	Sweden	2017 (Mehefin)
Pencampwriaeth dan19 UEFA Ewrop	Sbaen	2016 (Gorffennaf)
Pencampwriaeth dan17 UEFA Ewrop	Ffrainc	2016 (Mai)
Pencampwriaeth Merched UEFA	Yr Almaen	2017 (Gorff–Awst)
Pencampwriaeth Merched dan19 UEFA Ewrop	Yr Iseldiroedd	2015 (Gorffennaf)
Pencampwriaeth Merched dan17 UEFA Ewrop	Sbaen	2016 (Meh–Gorff)
Cynghrair y Pencampwyr UEFA	Barcelona	2015–16
Cynghrair Europa UEFA	Sevilla	2015-16
Super Cup UEFA	Real Madrid	2015 (Awst)
Cynghrair y Pencampwyr Merched UEFA	FFC Frankfurt	2015-16
Cwpan Futsal UEFA	Kairat Almaty	2015-16
Pencampwriaeth Futsal UEFA	Yr Eidal	2016 (Chwefror)
Cwpan Rhanbarthau UEFA	Veneto	2015 (Meh–Gorff)
Cynghrair Ieuenctid UEFA	Chelsea	2015–16

Dolenni allanol

• (Saesneg) Gwefan swyddogol UEFA