Edward Carpenter
Bardd sosialaidd, athronydd ac anthropolegydd cynabyddedig o Loegr oedd Edward Carpenter (29 Awst 1844 – 28 Mehefin 1929). Mae'n fwyaf nodedig am ei lyfr Civilisation, Its Cause and Cure (1889).
| Edward Carpenter | |
|---|---|
 | |
| Ganwyd | 29 Awst 1844  Hove |
| Bu farw | 28 Mehefin 1929 Surrey |
| Dinasyddiaeth | y Deyrnas Unedig, Teyrnas Unedig Prydain Fawr ac Iwerddon |
| Alma mater |
|
| Galwedigaeth | bardd, athronydd, llenor |
| Plaid Wleidyddol | y Blaid Lafur |
| Mudiad | libertarian socialism |
| llofnod | |
 | |
Cafodd Edward Carpenter ddylanwad mawr ar ewythr a thad y bardd o Gymro, Waldo Williams, ac ar Waldo ei hun. Roedd Carpenter yn un o brif sefydlwyr y Blaid Lafur Annibynnol. Roedd yn gyfaill i Rabindranath Tagore a Walt Whitman.[1] Cyfatherbai gyda Annie Besant, Isadora Duncan, Havelock Ellis, Roger Fry, Mahatma Gandhi, Keir Hardie, William Morris, Edward R. Pease a John Ruskin.[2]
Fel athronydd caiff ei gofio'n bennaf am ei gyfrol Civilisation, Its Cause and Cure (1889) ble mae'n awgrymu mai math o afiechyd yw gwareiddiad.[3] Llyfr arall dylanwadol ar Waldo Williams oedd The Healing of Nations and the Hidden Sources of their Strife (1915).
Credai'n gryf mewn "rhyddid rhyw" a dylanwadodd ar D. H. Lawrence, Sri Aurobindo, ac ysbrydolodd nofel E. M. Forster Maurice.[4]
Cyfeiriadau
golygu- ↑ Rhan o lyfr Gay Roots, Cyfrol I: The Gay Succession; Gay Sunshine Journal 35 (1978); adalwyd Medi 2014
- ↑ Fabian Economic and Social Thought Series One: The Papers of Edward Carpenter, 1844-1929, from Sheffield Archives Part 1: Correspondence and Manuscripts Archifwyd 6 Hydref 2007 yn y Peiriant Wayback at www.adam-matthew-publications.co.uk
- ↑ Carpenter, Edward. Civilisation, Its Cause and Cure.
- ↑ Andrew Harvey, gol. (1997). The Essential Gay Mystics.