Pesari

Dyfais feddygol yw pesari a ddodir yn y wain i drin cwymp y groth, gwrthdroad y groth, neu ddiffyg ceg y groth. Defnyddir i drin menywod sy'n rhy hen neu'n rhy sâl i gael llawdriniaeth, ac mewn menywod ifainc wrth drin diffyg ceg y groth yn ystod beichiogrwydd ac archwilio symptomau gwrthdroad y groth.^[1]

Mathau

Pesari Smith-Hodge

Petryal gwifren wedi ei orchuddio gan rwber neu finyl yw pesari Smith-Hodge, a osodir rhwng asgwrn y piwbis ac ôl-fwa'r wain, gan sicrhau lleoliad y groth a cheg y groth.^[1]

Pesari Gellhorn

Cynhyrchir pesari Gellhorn o resin acrylig neu blastig persbecs ar ffurf botwm coler mawr, anhyblyg. Mae pibell trwy'r goes yn draenio hylifau'r wain trwy agoriad y wain.^[1]

Pesari toesen

Defnyddir pesari wedi chwyddo mewn siâp toesen i gynnal y groth trwy flocio'r wain.^[1]

Pesari chwyddadwy

Mae'r pesari chwyddadwy yn debyg i'r pesari toesen, ond gellir ei ddatchwyddo. Dodir i mewn i'r wain heb ei chwyddo, ac yna caiff ei chwyddo trwy falf i'w ddefnyddio, a'i ddatchwyddo cyn ei gymryd allan.^[1]

Pesari cell gwenynen

Ciwb rwber meddal yw'r pesari cell gwenynen, sydd efo phant conigol ar bob wyneb sy'n gweithredu fel cwpan sugno yn y wain.^[1]

Pesari diaffram/Pesari gwrthgenhedlol

Gellir cael pesari sydd hefyd yn ddiaffram, dull atal cenhedlu.^[1]

Cyfeiriadau

↑ ^1.0 ^1.1 ^1.2 ^1.3 ^1.4 ^1.5 ^1.6 Mosby's Medical Dictionary (St Louis, Missouri, Mosby Elsevier, 2009 [wythfed argraffiad]), t. 1435. ISBN 978-0323052900

Mae'r erthygl hon yn cynnwys term neu dermau sydd efallai wedi eu bathu'n newydd sbon: diffyg ceg y groth, ôl-fwa'r wain o'r Saesneg "cervical incompetence, posterior vaginal fornix". Gallwch helpu trwy safoni'r termau.

[Mosby-1] 1.0 ^1.1 ^1.2 ^1.3 ^1.4 ^1.5 ^1.6 Mosby's Medical Dictionary (St Louis, Missouri, Mosby Elsevier, 2009 [wythfed argraffiad]), t. 1435. ISBN 978-0323052900

[1]