Taxi Driver
Ffilm o 1976 a gyfarwyddwyd gan Martin Scorsese ac a sgriptwyd gan Paul Schrader yw Taxi Driver. Lleolir digwyddiadau'r ffilm yn Ninas Efrog Newydd yn y cyfnod yn dilyn diwedd Rhyfel Fiet Nam ac mae'n serennu Robert De Niro yn y brif ran gyda Jodie Foster, Albert Brooks, Harvey Keitel, Leonard Harris, Peter Boyle a Cybill Shepherd. Mae'n cael ei ystyried yn un o glasuron ffilm y 1970au ac mae gwaith sinematig Scorsese, y gerddoriaeth, a pherfformiad arbennig De Niro, yn ei gwneud yn ffilm unigryw a chofiadwy.
 Poster y Ffilm | |
|---|---|
| Cyfarwyddwr | Martin Scorsese |
| Cynhyrchydd | Julia Phillips Michael Phillips |
| Ysgrifennwr | Paul Schrader |
| Serennu | Robert De Niro Jodie Foster Albert Brooks Harvey Keitel Leonard Harris Peter Boyle Cybill Shepherd |
| Cerddoriaeth | Bernard Herrmann |
| Sinematograffeg | Michael Chapman |
| Golygydd | Tom Rolf Melvin Shapiro |
| Dylunio | |
| Cwmni cynhyrchu | Columbia Pictures |
| Dyddiad rhyddhau | 8 Chwefror, 1976 |
| Amser rhedeg | 113 munud |
| Gwlad | Unol Daleithiau |
| Iaith | Saesneg |
- Erthygl am y ffilm o 1976 yw hon. Gweler hefyd Taxi Driver (gwahaniaethu).
Crynodeb
golyguPrif gymeriad y ffilm yw Travis Bickle (De Niro), dyn ifanc 26 oed sy'n methu cysgu ac yn gorfod gweithio 12 awr y dydd fel gyrrwr tacsi ar strydoedd Efrog Newydd. Mae'n gymeriad ansefydlog, niwrotig, sy'n ei chael hi'n anodd ymdopi efo bywyd a gwahaniaethu rhwng realiti a ffantasi, canlyniad ei brofiadau fel milwr yn Fiet Nam, efallai.
Yn ei waith mae Travis yn gweld pob agwedd anymunol ar fywyd yn y Big Apple ac mae ochr dywell y ddinas yn ei ffieiddio. Mae'n dechrau cael obsesiwn am "lanhau'r strydoedd" ac yn treulio oriau maith yn ymarfer ei gorff.
Mae'n cwrdd â Betsy (Shepherd) ac yn syrthio mewn cariad â hi, ond dydi o ddim yn deall merched. Yn ei ddiniweidrwydd mae'n mynd â hi i wylio ffim bornograffig mewn sinema siabi ac mae hi'n cerdded allan arno fo. Mae Betsy yn gweitho mewn tîm o ymgyrchwyr i ethol seneddwr llai nag onest ac mae Travis yn dod yn agos i'w asasineiddio.
Yna mae'n cwrdd ag Iris (Jodie Fosterr), merch 12 oed sydd wedi troi at weithio fel putain. Mae'n penderfynu ei hachub o ddwylo ei phimp. Ar ddiwedd y ffilm mae'n cerdded i mewn i'r puteindy lle mae Iris yn gweithio a lladd y pimp ac eraill mewn golygfa waedlyd iawn. Ceisia saethu ei hun yn y pen ond does 'na ddim bwledi ar ôl.
Yn yr epilog byr mae Travis yn arwr i'r cyfryngau ond mae ei agwedd o ei hun yn enigmatig. Aiff ymlaen a'i waith fel gyrrwr tacsi yn ddidaro.
Cast
golygu- Robert De Niro fel Travis Bickle
- Cybill Shepherd fel Betsy
- Peter Boyle fel "Wizard"
- Jodie Foster fel "Easy" Iris Steensma
- Harvey Keitel fel "Sport" Matthew
- Leonard Harris fel Senator Charles Palantine
- Albert Brooks fel Tom
- Martin Scorsese fel teithiwr yn nhacsi Travis
Gwobrau
golyguEnillodd y Palme d'Or yng Ngŵyl Ffilm Cannes 1976.