Binniɛma vihigu

E-Class

Binniɛma vihigu baŋsim chaŋmi ti jɛndi binshaɣu kam din mali vuhim nti pahi tihi ni mɔɣ’ kam. Baŋsim ŋɔ buɣusirila bɛ nama, bɛ nama maa ni tumdi shɛm, bɛ zoonsim, bɛ kurimbuni piligu, n-ti pahi bɛ ʒiliɛli.Binniɛm shɛb dɔɣira ka shɛb mi nyɛri gala n wɔɣira.Binniɛma balibu zoiya pam n ka zaŋbuɣsi.Bɛ shɛb chani tiŋa,shɛb gbamda,shɛb yiɣra hali ka shɛb vuri bɛ puya zuɣu.

Tihi ni mɔri gba be binniɛma ni ka gba mali balibu ni bukaata nim pam.Tihi pam nyala dinʒe zuɣsaa amaa di shɛŋa zɔri tingbanni.Lala nɔɔ ka mɔri gba balibu zoi.