Wšedna žorawina
| |
| Wšedna žorawina (Vaccinium oxycoccos) | |
| systematika | |
|---|---|
| Domena | Eukaryoty |
| Swět | Rostlinstwo |
| Jědrowe eudikotyledony | |
| Asteridy | |
| pórěd: | (Ericales) |
| swójźba: | Wrjosowe rostliny (Ericaceae) |
| rod: | Carnicy (Vaccinium) |
| pódrod: | Žorawina[1][2] (Vaccinium subgenus Oxycoccus) |
| družyna: | Wšedna žorawina |
| wědomnostne mě | |
| Vaccinium oxycoccos | |
| L. | |
Wšedna žorawina (Vaccinium oxycoccos, syn. Oxycoccus palustris Pers.) jo rostlina ze swójźby wrjosowych rostlinow (Ericaceae).
Wopis
wobźěłaśWšedna žorawina jo kerk, kótaryž dośěgnjo wusokosć wót 1 až 5 cm.
Gałuzy dośěgnu dłujkosć wót 80 cm. Wóni laže na pochu a bahnjowce a su śańke kaž nitki, wodrjewjace a čumpate łopjenate.
Łopjena
wobźěłaśŁopjena su lancetojte, pśecej zelene, kožojće gropne, maju zawitu kšomu a dośěgnu dłujkosć wót 0,5 až 1 cm.
Kwiśonki
wobźěłaśKwiśo wót junija až awgusta. Nygace, lilarožojte kwiśonki njasu wócynjone kronowe kónčki a dośěgnu wjelikosć wót wokoło 6 mm. Kwiśonkowe wogonki su cerwjene a sćeńka kósmate. Proškowe łopjeńka rorku wutwórje. Proškowe nitki su zwenka nage.
Płody
wobźěłaśPłod jo cerwjena, cesto žołśe pokrjepjena jagoda, kótaraž dośěgnjo wusokosć wót 0,8 až 1 cm. Kisałkojte płody za cas zymy na kerku wóstanu. Wóni wopśimjeju wjele witamina C a se góźe wósebnje pó prědnem mrozu za marmeladu.
Stojnišćo
wobźěłaśRosćo na wusokich bagnach.
Rozšyrjenje
wobźěłaśRostlina jo w pódpołnocnej a srjejźnej Europje rozšyrjona.
Wužywanje
wobźěłaśNožki
wobźěłaś- ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 712
- ↑ W internetowem słowniku: Moosbeere
Žrědła
wobźěłaś- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 196 (nim.)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 22 (nim.)
