Bernardo Bertolucci
|
C'l artìcul chè 'l è scrit in
Miranduléś |
Bernardo Bertolucci (Parma, 16 ad Mars dal 1941 - Róma, 26 ad Nuvémbar dal 2018, a s lèś [berˈnardo bertoˈluttʃi] in Itagliàṅ) 'l è stâ 'n regìsta, senegiadōr e prudutōr emigliàṅ, ùnic itagliàṅ a vìnsar 'l Òscar par la regìa p'r al film dal 1988 L'ultimo imperatore ch'al gh'à frutâ anc al prèmi par la senegiadùra minga uriginàla.
In dal 2007 'l à vins al Lèòṅ 'd Òr a la caréra a 'l 64śum Fèstival ad Venèsia mént'r in dal 2011 i gh'aṅ dâ la Palma 'd Òr unurària durànt al 64śum Fèstival ad Cannes.
Fra i sò film più impurtànt a 'rcurdém Novecento, Il conformista, Io ballo da sola, ch'l à dâ 'n cuć a la caréra dla Liv Tyler, Il tè nel deserto e Ultimo tango a Parigi in du a gh'è la séna scàndal in dua Marlon Brando al dróa dal butér p'r inculàr la Maria Schneider.
Filmugrafìa
- 1962 - La commare secca
- 1964 - Prima della rivoluzione
- 1968 - Partner.
- 1969 - Amore e rabbia - epiśòdi "Agonia"
- 1970 - Il conformista
- 1970 - Strategia del ragno
- 1972 - Ultimo tango a Parigi
- 1976 - Novecento
- 1979 - La luna
- 1981 - La tragedia di un uomo ridicolo
- 1984 - L'addio a Enrico Berlinguer - ducumentàri
- 1989 - 12 registi per 12 città - ducumentàri, epiśòdi "Bologna"
- 1987 - L'ultimo imperatore (The Last Emperor)
- 1990 - Il tè nel deserto (The Sheltering Sky)
- 1993 - Piccolo Buddha (Little Buddha)
- 1996 - Io ballo da sola (Stealing Beauty)
- 1998 - L'assedio
- 2002 - Ten Minutes Older: The Cello - epiśòdi "Histoire d'eaux"
- 2003 - The Dreamers - I sognatori (The Dreamers)
- 2012 - Io e te
- 2013 - Venice 70: Future Reloaded - ducumentàri, epiśòdi "Scarpette rosse"