Connecticut
|
C'l artìcul chè 'l è scrit in
Miranduléś |
Al Connecticut (a s lèś [kəˈnɛtɪkət] in Inglés, scólta'l chè) 'l è 'n stat di Stat Unî, divìś in òt cuntèi, ch'al s cata su 'l uséan Atlàntic in dal nòrd-èst dal paéś in dla regiòṅ dl'Inghiltèra Nóva. Al cunfìna a nòrd c'n al Massachusetts, a òvest c'n al Stat ad New York e a èst c'n al Rhode Island. 'L è 'l tèrs stat più pìcul dla nasiòṅ ma anc al quàrt più pîṅ stóp. Al sò mòt 'l è scrit in latìn, „Qui transtulit sustinet“, ch'a vōl dir „Qvi ch'i strapiàntan i tìnan dacàt“.
La sò capitàla l'è Hartford cun Bridgeport, Stamford e New Haven atri sità impurtànti anc s'i èṅ tuti più pìculi ad Mòdna e 'd Réś. Al sò inn 'l è Yankee Doodle. Al stat 'l è da la banda di demucràtic da 'l 1992 méntar prima 'l éra p'r i republicàṅ. In d'l Avrìl dal 2012 'l à mis a 'l band la péna 'd mòrt.
La sò ecunumìa la s baśa dimóndi su i servìsi finansiàri e dgl'asicurasiòṅ. I sénsa lavōr i èṅ pôc, sōl al 2,9%.
Da 'l 2011 al sò guvernadōr 'l è 'l demucràtic Dan Malloy.
Persunàǵ famóś uriginàri dal Connecticut
- Charles Goodyear, inventōr
- George W. Bush, èx presidènt di Stat Unî
- Katharine Hepburn, atōra