Romance
|
C'l artìcul chè 'l è scrit in
Miranduléś |
 Romance
| ||
| Romance | ||
 La Ducey e Stévenin in na figùra dal film | ||
| Rumàntic 1999 | ||
|---|---|---|
| Regìa: Catherine Breillat | ||
| Scritōr: Catherine Breillat | ||
| Atōr: Sagamore Stévenin • François Berléand Caroline Ducey • Rocco Siffredi • Emma Colberti Ashley Wanninger • Nadia Latoui • Pierre Maufront Fabien de Jomaron • Alain L'Yle • Roberto Malone | ||
| Müsica: Raphaël Tidas • DJ Valentin | ||
| Léngua: Francéś • Ingléś | ||
| Dürä dal film: 93 minüt | ||
| Nasiōṅ: Frància | ||
Romance (Rumàntic) 'l è 'n film dramàtic e eròtic francéś dal 1999 dirét par la Catherine Breillat. 'L è stâ candidâ a i British Independent Film Awards dal 1999 cuma mijór film furastēr.
Par soquànti dal sò séni dimóndi spurcaciòni, 'l è stâ cinsurâ in Austràglia, in di Stat Unî, in Irlànda e in àtar paéś incóra.
Sunt
La Marie (Caroline Ducey) la gh'à vint an e la fà la mistra. Al sò muróś al s ciàma Paul (Sagamore Stévenin) e al gh vōl bèṅ ma quànd a sarés óra ad gusàr-la, lò al s tira sèmp'r indrē, piutòst al s mét a lèśar di lìbar cuma qvéi ad Vladimir Konstantinovič Bukovskij ch'i gh piàśan dimóndi. Lì lē la n al tōś minga tant bèṅ parchè la vrév avér un putèṅ sèg. Na sira la ciàpa sù la màchina e la và in sità par pasàr-'s al tèmp in un bar. Lè la cgnós Paolo (Rocco Siffredi), 'n óm armàś véduv da pôc, ch'al la culpìs in na manéra acsè fòrta ch'i dū i finìs'n a lèt insém. Ma 'l dè dòp lē la n è minga cunténta e la decìd 'd a n véd'r-al mai piò.
La dóna la taca però a spasàr-'s-la c'n i prim ch'la cata. La finìs cun 'l andàr anc c'n al vèć diretōr malnét dla sò scōla, Robert (François Berléand), ch'al gh fà pruàr 'l amōr sadumàś ligànd-la cun dal lasi prima 'd far sès sèg. La Marie la mōr da la vója ad sintìr-as sōl un buś. Dòp avér fat na ciuladìna p'r al scali cun 'n óm mai vdû prima, la ragasōla l'armàgn gravda dòp èsar stada incóra cun Paul. Adès l'è cuntènta dabòṅ, Paul minga tant parchè al mōr in un sćiòp dal sò apartamènt.