Christina Ricci
|
C'l artìcul chè 'l è scrit in
Miranduléś |
La Christina Ricci (Santa Monica, 12 ad Favràr dal 1980) l'è n'atōra americàna cun di urìgini itagliàni, scuséśi e irlandéśi. P'r al film The Opposite of Sex - L'esatto contrario del sesso in dal 1999 l'è stada numidàda, sénsa vìnsar, a i Golden Globe.
Prima 'd spuśàr James Heerdegen in dal 2013, in dal 2009 l'è stada ligàda cun 'l atōr còmig Owen Benjamin.
Biugrafìa
La Ricci la fà 'l sò debùt in dal mónd dal cìnema da pìcula in dal film Sirene e faghénd pò la part dla Mercurdè in La famiglia Addams e in La famiglia Addams 2. In dal 1995 l'è prutagunìsta ad Casper, na pelìcula ch'la cònta la stòria d'l umònim persunàǵ di fumét. Dū an dòp la lavóra cun Ang Lee in dal film Tempesta di ghiaccio insém a Kevin Kline, a la Sigourney Weaver e a Tobey Maguire.
In dal 1998 la gira òt film: in The Opposite of Sex - L'esatto contrario del sesso la ciùla 'l muróś a sò fradèl, in Buffalo '66 la fà la mujér par finta ad Vincent Gallo, in Paura e delirio a Las Vegas la rècita insém a Johnny Depp e a Benicio Del Toro, mént'r in Pecker la lavóra c'n al regìsta scandalóś John Waters. In dal 1999 la tōś part a la cumèdia 'd MTV 200 Cigarettes e la gira Il mistero di Sleepy Hollow par Tim Burton. 'L an dòp la gira 'n film ad scarésa, La mossa del diavolo cun la Kim Basinger.
La Christina la gira pò dū film impurtànt in dal 2003: Monster, in du la fà l'amànta dla sasìna seriàla Charlize Theron vinsidōra dal Prèmi Òscar par cla part chè, e Anything Else ad Woody Allen méntar dū an dòp l'è sarnìda par Wes Craven in Cursed - Il maleficio.
In dla sò caréra l'à anc laurâ in soquànti sèri televiśìvi cuma Ally McBeal, Grey's Anatomy, The Good Wife e Pan Am.
Filmugrafìa
- 1990 - Sirene (Mermaids), regìa ad Richard Benjamin
- 1991 - Insieme per forza (The Hard Way), regìa ad John Badham
- 1991 - La famiglia Addams (The Addams Family), regìa ad Barry Sonnenfeld
- 1993 - Il club delle vedove (The Cemetery Club), regìa ad Bill Duke
- 1993 - La famiglia Addams 2 (Addams Family Values), regìa ad Barry Sonnenfeld
- 1995 - Casper, regìa ad Brad Silberling
- 1995 - Amiche per sempre (Now and Then), regìa dla Lesli Linka Glatter
- 1995 - Un'amicizia pericolosa (Gold Diggers: The Secret of Bear Mountain), regìa ad Kevin James Dobson
- 1996 - Bastard Out of Carolina, regìa dl'Anjelica Huston
- 1996 - L'ultimo dei grandi re (The Last of the High Kings), regìa ad David Keating
- 1997 - Operazione Gatto (That Darn Cat), regìa ad Bob Spiers
- 1997 - Tempesta di ghiaccio (The Ice Storm), regìa 'd Ang Lee
- 1998 - The Opposite of Sex - L'esatto contrario del sesso (The Opposite of Sex), regìa ad Don Roos
- 1998 - Buffalo '66, regìa ad Vincent Gallo
- 1998 - Paura e delirio a Las Vegas (Fear and Loathing in Las Vegas), regìa ad Terry Gilliam
- 1998 - Pecker, regìa ad John Waters
- 1998 - I Woke Up Early the Day I Died, regìa 'd Aris Iliopulos
- 1998 - Desert Blue, regìa ad Morgan J. Freeman
- 1999 - 200 Cigarettes, regìa dla Risa Bramon Garcia
- 1999 - No Vacancy, regìa ad Marius Balchunas
- 1999 - Il mistero di Sleepy Hollow (Sleepy Hollow), regìa ad Tim Burton
- 2000 - La mossa del diavolo (Bless the Child), regìa ad Chuck Russell
- 2000 - The Man Who Cried - L'uomo che pianse (The Man Who Cried), regìa dla Sally Potter
- 2001 - All Over the Guy, regìa dla Julie Davis
- 2001 - Prozac Nation, regìa 'd Erik Skjoldbjærg
- 2002 - Pumpkin, regìa 'd Anthony Abrams e 'd Adam Larson Broder
- 2002 - Tripla identità (Miranda), regìa ad Marc Munden
- 2002 - The Gathering, regìa ad Brian Gilbert
- 2003 - Anything Else, regìa ad Woody Allen
- 2003 - I Love Your Work, regìa 'd Adam Goldberg
- 2003 - Monster, regìa dla Patty Jenkins
- 2005 - Cursed - Il maleficio (Cursed), regìa ad Wes Craven
- 2006 - Penelope, regìa ad Mark Palansky
- 2006 - Black Snake Moan, regìa ad Craig Brewer
- 2006 - Home of the Brave - Eroi senza gloria (Home of the Brave), regìa 'd Irwin Winkler
- 2006 - Speed Racer, regìa ad Andy Wachowski e ad Lana Wachowski
- 2008 - New York, I Love You, regìa ad Shunji Iwai
- 2009 - All's Faire in Love, regìa ad Scott Marshall
- 2009 - After.Life, regìa dl'Agnieszka Wojtowicz-Vosloo
- 2011 - Bucky Larson: Born to Be a Star, regìa ad Tom Brady
- 2012 - Bel Ami - Storia di un seduttore (Bel Ami), regìa ad Declan Donnellan e ad Nick Ormerod
- 2013 - Around the Block, regìa dla Sarah Spillane