Erin Moran
|
C'l artìcul chè 'l è scrit in
Miranduléś |
L’Erin Marie Moran, cgnusùda méj cuma Erin Moran (Burbank, 18 'd Utóbar dal 1960 - Corydon, 22 'd Avrìl dal 2017), l'è stada n'atōra americàna, cgnusùda specialmènt p'r al rōl dla Joanie Cunningham, dita “Sutiléta”, in dal telefìlm Happy Days che lē l'à intepretâ da 'l 1974 a 'l 1984.
In dal 1982 e in dal 1983 l'à recitâ insém a Scott Baio in dal spin-off Jenny e Chachi, série ch'la gh'à frutâ in dal 1983 'l prèmi Young Artist Award. La Erin l'à laurâ anc in àtar soquànt telefìlm in di an Stanta e Utànta cuma Tre nipoti e un maggiordomo, Love Boat e La signora in giallo mént'r a 'l cìnema la n gh'à minga abû tanta furtùna.
In dal 1987 l'atōra califurgnàna la s è spuśàda cun Rocky Ferguson par pò divìd'r-as sèg in dal 1993. Finìda in buléta e in dla depresiòṅ c'n al sò secónd marè Steven Fleischmann, l'è stada custréta a vìv'r in un «trailer park», na roulotte sénsa rōdi par white trash a New Salisbury in Indiàna[1], in fiṅ a la sò mòrt a sinquànta-siē an, p'r un cànc'r a s pōl dar[2].
Filmugrafìa
- 1967 - 8 falsari, una ragazza e... un cane onesto (Who's Minding the Mint?), regìa 'd Howard Morris
- 1968 - Uffa papà quanto rompi! (How Sweet It Is!), regìa ad Jerry Paris
- 1969 - 80 Steps to Jonah, regìa ad Gerd Oswald
- 1969 - The Happy Ending, regìa ad Richard Brooks
- 1970 - L'uomo caffelatte (Watermelon Man), regìa ad Melvin Van Peebles
- 1981 - Il pianeta del terrore (Galaxy of Terror), regìa ad Bruce D. Clark
- 2003 - Dickie Roberts - Ex piccola star (Dickie Roberts: Former Child Star), regìa ad Sam Weisman
- 2008 - Broken Promise, regìa 'd Eddie Howell
- 2010 - Not Another B Movie, regìa ad John Wesley
Culegamènt estéran
Nòti
- ↑ Selebrità a 'l Infèran, da “Happy Days” a l'eruìna, da putìna prudìgi a barbòna, la bruta fiṅ dl'Erin Moran - Dòp al sucès, un tunnel sénsa fîṅ: al divòrsi, al sfrat, 'l alcol, al nòti a durmìr in un parchéǵ La Stampa, 24 'd Avrìl dal 2017
- ↑ L'Erin Moran l'éra malàda La Repubblica, 24 'd Avrìl dal 2017