La maschera di cera (film 2005)
|
C'l artìcul chè 'l è scrit in
Miranduléś |
 House of Wax
| ||
| La maschera di cera | ||
 La Paris Hilton la s cava śò in na figùra dal film | ||
| La mascra 'd céra 2005 | ||
|---|---|---|
| Regìa: Jaume Collet-Serra | ||
| Scritōr: Charles Belden • Chad e Carey Hayes | ||
| Atōr: Elisha Cuthbert • Chad Michael Murray Paris Hilton • Jared Padalecki • Robert Ri'chard Jon Abrahams • Brian Van Holt • Damon Herriman | ||
| Müsica: John Ottman | ||
| Léngua: Ingléś | ||
| Dürä dal film: 108 minüt | ||
| Nasiōṅ: Stat Unî • Austràglia | ||
La maschera di cera (La mascra 'd céra) 'l è 'n film ad scarésa americàṅ e austragliàṅ dal 2005 ad Jaume Collet-Serra, chè a 'l sò debùt da regìsta.
Al film 'l è 'l arfacimènt ad La maschera di cera cun Vincent Price, dirèt in dal 1953 p'r André De Toth, a sò vòlta remake ad La maschera di cera dal 1933 ad Michael Curtiz.
Prudót par la Dark Castle ad Joel Silvre e ad Robert Zemeckis, 'l è custâ quarànta migliòṅ ad dòlar ma al 'n à fat sù da piò ad stanta.
Sunt
Un grup ad siē amìg śōvan i èṅ i viàś ad nòt p'r andàr a védar na pardìda dimóndi impurtànda ad football americàṅ. A gh'è la Carly Jones (Elisha Cuthbert), sò fradèl Nick (Chad Michael Murray), al sò muróś Wade (Jared Padalecki), la Paige Edwards (Paris Hilton), al sò muróś Blake (Robert Ri'chard) e Dalton Chapman (Jon Abrahams).
Dòp avér pasâ la nòt darènt a 'n bòsc, la matìna dòp i ragàs i s réndan cònt che qualchidòṅ al gh'à tirâ un brut schèrs śbargànd la sìngia 'd trasmisiòṅ 'd una dal dū màchini. Méntar Wade e la Carly i tōś'n un pasàǵ 'd òṅ ch'al s éra śibî ad jutàr-i purtànd-i in dla sità 'd Ambrose lè davśèṅ, chi àtar i vàn'n a la partìda. Rivâ là i dū i càtan che tut i abitànt dal pòst, in dal céśi e in dal cìnema in dua i dàn'n ad cuntìnuv al film Che fine ha fatto Baby Jane?, i èṅ dvintâ dal statvi ad céra, a part dū śmèi ad nóm Bo e Vincent (Brian Van Holt).