Ruśàri
|
C'l artìcul chè 'l è scrit in
Miranduléś |
Al ruśàri (da 'l latìn rosārium) 'l è na préga 'd devusiòṅ in unōr dla Madóna a caràtar litànig dla Céśa catòlica ch'la nas durànt 'l Ēṿ Mèdi. La ciàpa 'l nóm da la tradisiòṅ di cristiàṅ ad métar dal curóni 'd róśi, bèli e parfumàdi, su 'l statṿi dla Vìrgin esénd cal fiōr lè pròpria 'l sò fiōr.
In gènar la s fà dgénd sinquànta Ave Marìa a grup ad déś misćiàdi c'n un Pàdar Nòstar e un Glòria a 'l Pàdar, dòp avēr tacâ cun l'invucasiòṅ «O Dio vîṅ a salvàr-um, Sgnōr vîṅ in présia in mè ajùt». Par tgnir a mènt al nùmar ad qvéli fati, al fedēl al tîṅ al cònt śgranànd na culàna, ciamàda curóna dal ruśàri o anc sōl ruśàri, cun sinquànta grâṅ insfilsâ in dla cadnìna e ch'in fónd la gh'à 'n Geśù Crist su la cróś. La préga la finìs sèmpar c'n un ségn dla cróś e la s pōl recitàr in dla sò léngua o in latìn.
Dir al ruśàri 'l è n'arma dimóndi fòrta cónt'r al Demòni.