The Dentist
|
C'l artìcul chè 'l è scrit in
Miranduléś |
 The Dentist
| ||
 Mark Ruffalo in na figùra dal film | ||
| Al dentìsta 1996 | ||
|---|---|---|
| Regìa: Brian Yuzna | ||
| Scritōr: Dennis Paoli Stuart Gordon • Charles Finch | ||
| Atōr: Corbin Bernsen • Linda Hoffman • Patty Toy Michael Stadvec • Tony Noakes • Molly Hagan Ken Foree • Jan Hoag • Virginya Keehne Earl Boen • Christa Sauls • Mark Ruffalo | ||
| Müsica: Alan Howarth | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
The Dentist (Al dentìsta) 'l è 'n film ad scarésa americàṅ dal 1996 ad Brian Yuzna, girâ a Los Angeles.
Al gh'à abû 'n séguit dū and dòp, sèmpar dirèt par Brian Yuzna, da 'l tìtul The Dentist 2.
Sunt
Al dutōr Alan Feinstone (Corbin Bernsen), un dentìsta 'd sucès cun l'usesiòṅ par 'l órdan e par la pulisìa, al gh sà far in dal sò mistēr. Al gh'à na bèla vila e na bèla mujēr, la Brooke (Linda Hoffman), che però un dè al bèca par la fnèstra métar-'g i còran c'n al ragàs ch'al tîṅ adrē a la sò pisìna, Matt (Michael Stadvec).
C'n al sangṿ a 'l sarvèl par l'arlìa, al dentìsta al n gh la cava minga a cuntrulàr-'s in dal sò studi mèdag, al véd ad cuntìnuv dal figùri ad dènt mars e ruinâ in di sò pasiènt, dònca lò al gh dà śò ad brut c'n an tràpan faghénd di dan a i sò cliènt. In séguit, par vindicàr-'s ad sò mujēr, al gh ténd na trapla ciamànd-la in ambulatóri in du al gh cava via tut i dènt, òṅ a òṅ, e pò al gh sćiànca via la léngua. Al dè dòp Alan al fà fóra Matt a scurtlàdi.
Al detective Sunshine (Tony Noakes) al taca a indagàr su 'l caś anc parchè al dentìsta al n l'à minga finìda lè. Al masa dū sò infarméri ch'i l'ìvan bcâ e pò anc 'n agìnt dal tasi, Schaeffer (Christopher Kriesa), ch'al vliva ricatàr-al. La Sarah (Virginya Keehne), na studènta cun 'l aparéć, invéci la s salva parchè la gh prumét ch'la s lavarà i dènt tri vòlti a 'l dè e ch'la n magnarà piò dal caramèli.