Zucchero Fornaciari

C'l artìcul chè 'l è scrit in Miranduléś

«

Con le mani sbucci le cipolle, me le sento addosso sulla pelle e accarezzi il gatto con le mani, con le mani tu puoi dire di si. Far provare nuove sensazioni, farsi trasportare dalle emozioni!»

(IT)(Con le mani, 1987)

«

Cun al maṅ at pél al sigóli, a m li sènt adòs in sla pèl e at carés al gat cun al maṅ, cun al maṅ at pō dir ad sè. Far pruàr dal sensasiòṅ nóvi, far-as purtàr dal stréti!»

(MUD)

Zucchero, scutmaj 'd Adelmo Fornaciari (Rèz, 25 ad Setémbar dal 1955), 'l è un cantànt e muśicìsta itagliàṅ. A 'l èstar 'l è anc cgnusû cum Sugar che pò al vōl dir sùcar in ingléś. Al nóm 'd art al daśvèṅ da 'n ricòrd ad quànd 'l éra pìcul e la sò mistra la dgiva ch'l éra "dóls cum al sùcar" e la'l ciamàva "Marmelàda e sùcar".

Zucchero al gh'à un sac ad capèi e di brét. In Inghiltéra i'l ciàman "the italian mad hatman" (al caplàr mat itagliàṅ).

Biugrafìa

Gl'inisi

In dal 1979 al scriv la mùśica dla cansòṅ Il gallo par Rinaldo Del Monte e Tutto di te par Fred Bongusto. In dal 1980 al mét sù un grup ciamâ Taxi e al vins al Festival ad Castruchèra. La sò prima culaburasiòṅ impurtànta l'è quéla cun Michele Pecora e al braṅ Te ne vai.

In dal 1982 al và in finàl al Festival ad Sanremo in dal categurìa di śóvan cun la canta Una notte che vola via.

Al sucès

Delùś dla sò situasiòṅ artìstica, Zucchero al gh dà na śvòlta vulànd in dal 1984 in di Stat Unî, preciśamènt in Califòrgna. A San Francisco al sòna in un lucàl 'd un sò amìg. Dòp cal perìud lè ad pàuśa, in dal 1985 al cambia al sò stìl, dvintâ in cal mèntar più internasiunàl, e faghénd 'n àlbum insém a la Randy Jackson Band e al furtunâ sìngul Donne. La canta la và a Sanremo e la gh'à dimóndi sucès ad véndidi ma minga in dal festival di fiór.

«

Negli occhi hanno gli aeroplani per volare ad alta quota dove si respira l'aria e la vita non è vuota. Le vedi camminare insieme nella pioggia o sotto il sole dentro pomeriggi opachi senza gioia né dolore. Donne in cerca di guai, donne a un telefono che non suona mai.»

(IT)(Donne, 1985)

«

In di òć i gh'aṅ di aparéć par vulàr dimóndi in alt in du a s respìra ad l'ària e la vita la n è minga vóda. 'T i véd caminàr insém sót a l'acqua o sót al sól in di dopmeśdè scur sensa cuntinésa e gnanc dulór. Dóni ch'i péscan di guài, dóni al telefòn ch'a n sóna mai.»

(MUD)

In dal 1986 Zucchero, dòp avér cantâ par la quàrta vòlta a Sanremo cun al braṅ Canzone triste, al fà gnir fóra 'l àlbum Rispetto, un disc prégn ad sòṅ rhythm and blues.

In dal 1987 a véd la luś al disc Blue's e Zucchero al fà al bòt, 1.300.000 ad còpi vindùdi, cun di braṅ ad sucès òṅ a drē a c'l àtar: Con le mani (cun un tèst ad Gino Paoli), Senza una donna, Dune Mosse, Pippo, Non ti sopporto più, Hey Man e Solo una sana e consapevole libidine salva il giovane dallo stress e dall'azione cattolica.

«

Guarda come ride quando ci sei tu, senti cosa dice, non ne posso più. Pippo che cazzo fai? Pippo oh no no no nooo, Pippo che pesce sei, Pippo anche lei! Senti come ride, dimmi cosa vuoi, sei venuto a bere o a cercare guai.»

(IT)(Pippo, 1987)

«

Guàrda cum la rid quand ta gh sē tè, sènt cuś la diś, a n in pòs piò. Pippo che cas sē't drē a far? Pippo oh no no no nooo, Pippo che pés ch'at sē, Pippo anca lē! Sènt cum la rid, dim cuśa vō't, sē't gnû a bévar o a pascàr di guài?»

(MUD)

Anc 'l àlbum sucesìṿ dal Śugn 1989 'l è un sucès. A s tràta dal disc Oro, incenso e birra, òṅ di àlbum più vindû in dla stòria itagliàna: più ad 1.700.000 còpi. In di braṅ mis dèntar a gh'è Diavolo in me, Overdose d'amore, Madre dolcissima e Diamante, su un tèst ad Francesco De Gregori, in unór dla nunóna ad Zucchero, ch'la s ciamàva propria Diamante Arduini Fornaciari.

«

Fai piano i bimbi grandi non piangono, passare insieme soldati e spose, ballare piano in controluce, moltiplicare la nostra voce, passare in pace soldati e spose. "Delmo, Delmo vin a' cà"...»

(IT)(Diamante, 1989)

«

Fà piàṅ i putèṅ grand i n piànśan minga, pasàr insém, suldâ e spóśi, balàr piàṅ in fàcia a la luś, multiplicàr la nòstra vóś, pasàr in paś, suldâ e spóśi. "Delmo, Delmo vin a' cà"...»

(MUD)

Al 31 ad Dicémbar dal 1989, durànt na vacànsa in muntaggna, Zucchero al mét sù al grup di Sorapis insém a Dodi Battaglia di Pooh, Fio Zanotti, Maurizio Vandelli, Michele Torpedine e Umbi Maggi. Al grup al farà gnir fóra in séguit al disc Walzer d'un Blues (1993).

In di an seguènt, Zucchero al canta insém a di persunàǵ ad Nuànta: cun Joe Cocker e Miles Davis a Viaréǵ in dal 1989, cun Ray Charles a Verona, cun i Queen al Freddie Mercury Tribute Concert in dal 1992. In mèś a gh'è anc Fernando Fher Olvera, Eric Clapton, Stevie Ray Vaughan, Paul Young (i càntan Senza una donna, Without a woman), Luciano Pavarotti e dimóndi àtar.

I an Nuànta

In dal 1992 al fà, insém a Luciano Pavarotti, la cansòṅ Miserere, un braṅ ch'al dà al nóm anc a 'n àlbum ch'al vèṅ fóra in tut al mónd.

In dal 1993 a Montecarlo durànt al "1993 World Music Awards" al vins un prèmi p'r èsar al cantànt itagliàṅ ch'l à vindû più disc in d'l an.

In dal 1994 al vèṅ invidâ a partecipàr al cuncèrt ad Woodstock '94, unic cantànt itagliàṅ. La sò canta Mama la vèṅ misa dèntar al CD dòpi d'l evènt.

In dal 1995 al fà gnir fóra al disc Spirito DiVino che, cun i sìngui X colpa di chi?, Così celeste e Il volo, al vénd da più ad tri migliòṅ ad còpi e al vins al disc ad diamànt.

«

Funky il gallo come sono bello stamattina, non c'e' piu' la mia morosa e sono piu' leggero di una piuma, oh e intanto Zio Rufus sta coi suoi pensieri in testa portando in giro la vita a fare la pipì, X colpa di chi chi chi chi chichichirichi, stanotte voglio stare acceso e dire sempre di sì.»

(IT)(X colpa di chi?, 1995)

«

Funky al gal cum a sòṅ bèl stamatìna, a n gh'è piò la mè muróśa e a sòṅ più alśér ad na pluma, oh e in cal mèntar Zio Rufus al stà cun i sò pinsér in testa purtànd in gir la vita a far la pisa, X cólpa ad chi chi chi chi chichichirichi, stanòt a vój star impìs e dir sèmpar ad sè.»

(MUD)

Invitâ par Dan Aykroyd al fà n'eśibisiòṅ a la House of Blues par festegiàr al 46º cumpleàn ad John Belushi faghénd Diavolo in me e You are so beautiful insém a la Blues Brothers Band; in cal mèntar, Jim Belushi e Dan Aykroyd i bàlan cun indòs i vistî di Bues Brothers. Sèmpar in c'l an, al vins al Festivalbar e la sò canta Feels like a woman l'è sarnìda p'r al film French Kiss cun Meg Ryan.

Discugrafìa

Àlbum

1983 - Un po' di Zucchero
1985 - Zucchero & The Randy Jackson Band
1986 - Rispetto
1987 - Blue's
1988 - Six Mix (mini album)
1988 - Snack Bar Budapest (culòna sunóra)
1989 - Oro, incenso e birra
1991 - Zucchero
1991 - Live at the Kremlin
1992 - Miserere
1992 - Live at Neum
1993 - Walzer d'un blues cuma Adelmo e i suoi Sorapis
1994 - Diamante (racòlta ad sucès in spagnól p'r al marcâ latìn)
1995 - Spirito DiVino
1996 - The Best of Zucchero - Sugar Fornaciari's Greatest Hits
1998 - Bluesugar
1999 - Overdose d'amore/The Ballads (racòlta ad lènt p'r al marcâ latìn)
2001 - Shake
2002 - Spirit - Cavallo selvaggio (culòna sunóra, mai publicàda)
2004 - Zu & Co.
2006 - Fly
2007 - All the Best
2008 - Live in
2010 - Chocabeck

Sìngui

1983 - Sandra
1985 - Donne
1986 - Canzone triste
1986 - Come il sole all'improvviso (insém a Gino Paoli)
1987 - Con le mani
1987 - Senza una donna
1987 - Pippo
1987 - Solo una sana e consapevole libidine salva il giovane dallo stress e dall'Azione Cattolica
1988 - Bambino io, bambino tu
1989 - Diavolo in me
1989 - Overdose d'amore
1989 - Nice (Nietsche) che dice
1989 - Diamante
1989 - Madre dolcissima
1990 - Wonderful world
1990 - Mama
1991 - Without a Woman
1992 - Povero Cristo
1992 - L'urlo
1992 - Il pelo nell'uovo
1992 - Come Back the Sun
1992 - It's All Right
1995 - Papà perché
1995 - Per colpa di chi
1995 - Il volo
1995 - Feels Like a Woman
1995 - My Love
1995 - Pane e sale
1996 - Così celeste
1996 - Papa por que
1997 - Menta e rosmarino
1997 - Va pensiero
1998 - Blu
1998 - Puro amore
1999 - You Make Me Feel Loved
1999 - Arcord
2001 - Baila (sexy thing)
2001 - Ahum
2002 - Ali d'oro (insém a John Lee Hooker, p'r al marcâ internasiunàl)
2002 - Dindondio
2002 - Sento le campane
2002 - Rossa mela della sera
2002 - Scintille
2004 - Il grande Baboomba
2004 - Indaco dagli occhi del cielo (cun la Vanessa Carlton e Haylie Ecker)
2004 - Così celeste (cun Cheb Mami)
2005 - Like the Sun (cun la Macy Gray e Jeff Beck)
2006 - Bacco perbacco (sōl in Itàglia)
2006 - Cuba libre (p'r al marcâ internasiunàl)
2006 - Occhi
2006 - È delicato
2007 - Un kilo
2007 - Wonderful life
2008 - Amen
2008 - Tutti i colori della mia vita
2008 - Una carezza
2010 - È un peccato morir
2010 - Chocabeck (p'r al marcâ internasiunàl)

Culegamènt estéran

(IT) Al sò sit ufisiàł (a gh vōl Macromedia Flash)