Digitale Bibliotheek voor de Nederlandse Letteren
Digitale Bibliotheek voor de Nederlandse Letteren (DBNL, nederlandeg a dalvez «Levraoueg niverel al lizhiri nederlandek») a zo ul lec'hienn internet gouestlet d'an nederlandeg ha d'al lennegezh nederlandek. Enni e kaver testennoù lennegel, studiadennoù, pennadoù-barn ha displegadennoù hag ivez titouroù all evel buhezskridoù, skeudennoù ha liammoù diavaez. DBNL a zo bet krouet gant Stichting DBNL («Diazezadur DBNL», savet e 1999) ha gant Maatschappij der Nederlandse Letterkunde (Kevredigezh lennegel an Izelvroioù). Skoazell argant a zo bet roet gant ensavadurioù evel NWO (Nederlandse Organisatie voor Wetenschappelijk Onderzoek, Aozadur nederlandat evit an enkalskoù skiantel) pe Nederlandse Taalunie.
| Deiziad krouiñ | 1999  |
|---|---|
| Stad | Izelvroioù |
| Ezel eus | Geheugen van Nederland |
| Perc'hennet gant | Maatschappij der Nederlandse Letterkunde |
| Aozer | Digital Library for Dutch Literature |
| Yezh an oberenn pe an anv | nederlandeg |
| Lec'hienn ofisiel | http://www.dbnl.org/ |
| Trezalc'her | KB National Library of the Netherlands |
1 000 testenn : al levraoueg diazez
kemmañEn DBNL e kaver (pe e vo kavet) al "levraoueg nederlandek diazez" (nederlandeg : "basisbibliotheek")[1]. Paul Schnabel an hini eo a zo e penn ar bodad ma voe dibabet an testennoù-se[2]. ne vo ket kavet testennoù klasel zo evel De avonden (an nozvezhioù, gant Gerard Reve, 1947) pe Nooit meer slapen (En tu all d'ar c'housk gant Willem Frederik Hermans, 1966) abalamour d'ar gwirioù aozañ[3].
Notennoù
kemmañ- ↑ Somers, Maartje Van abel spel tot Achterhuis: de basisbibliotheek - het Nederlands erfgoed in duizend sleutelteksten, NRC Handelsblad 4 a viz Ebrel 2008 rann Boeken, p.10
- ↑ Somers, Maartje p. 10
- ↑ Somers, Maartje, p.10
Liamm diavaez
kemmañ
|
Porched an Izelvroioù – Adkavit pennadoù ha rummadoù Wikipedia a denn d'an Izelvroioù. |