Londres (Anglatèrra)
Londres[3][nt 1] (en anglés: London) es la capitala del Reialme Unit aital coma d'Anglatèrra. Sa populacion èra estimada a 7 500 000 abitants, en 2005. Sa superfícia totala es 1579 km² (2,6 km² e 8600 abitants dins la City).
| London (en-gb) Llundain (cy) Lunnainn (gd) Lunnon (sco)  | |
 | |
| Nom oficial | London (en-gb) |
|---|---|
| Administracion | |
| Capitala de | Reialme Unit e Anglatèrra |
| Lenga oficiala | anglés |
| Politica | |
| • Cònsol màger | Sadiq Aman Khan (2016–) |
| Geografia | |
  | |
| 51° 30′ 26″ N, 0° 07′ 39″ O | |
| Estat | Reialme Unit |
| Nacion constitutiva | Anglatèrra |
| Region | Londres |
| Comtat ceremonial | Grand Londres |
| Superfícia | 1 572 km² |
| Altitud mejana | 4 m[1] |
| Punt culminant | Biggin Hill (245 m) |
| Fus orari | UTC±00:00 (ora estandard) ora de Greenwich UTC+01:00 (ora d'estiu) Euròpa/Londres |
| Demografia | |
| • Totala | 8 799 728[2] ab. (2021 ) |
| • Densitat | 5 597,79 ab./km² |
| Autras informacions | |
| Còdi postal | E, EC, N, NW, SE, SW, W, WC, BR, CM, CR, DA, EN, HA, IG, KT, RM, SM, TN, TW, UB e WD |
| Prefix telefonic | 20, 1322, 1689, 1708, 1737, 1895, 1923, 1959 e 1992 |
| ISO 3166-2 | GB-LND |
| Sit web | london.gov.uk |
Situada a la broa del flume Tamèsi dins lo sud-èst de l'illa de Grand Bretanha, foguèt fondada a l'entorn de l'an 43 pels romans amb lo nom de Londinium. Londres es format per la City e 32 comunas. Lo còr de la vila, l'anciana City de Londres, manten encara sos limits medievals, mas dempuèi lo sègle XIX lo tèrme Londres fa tanben referéncia a l'ensemble de la metropòli que s'es desvolpada a l'entorn. L'actuala connurbacion forma la region de Londres e l'aira administrativa del Grand Londres. Uèi la City representa una pichona part de Londres, exactament 2,6 km², mas que conserva son estatut de ciutat e de Comtat ceremonial d'Anglatèrra, mentre que las 32 municipalitats de Londres forman part del Comtat cerimonial del Grand Londres. Tres de las 32 municipalitats an d'estatuts especials, Westminster ten l'estatut de ciutat, las municipalitats de Kingston upon Thames, de Kensington e de Chelsea tenon l'estatut de municipalitat Reiala.
La posicion de Londres subre lo flume Tamèsi la fa tanben ideala per lo transport maritim. Tamèsi travèrsa la ciutat d'oèst en èst e la devesís en doas parts. Sas ribas, pasmens, son unidas per nombroses tunèls e ponts, lo mai famós dels quals es lo Tower Bridge o Pont de la Torre, d'estil neogotic.
Londres es una de las capitalas mondiala dels negòcis, de la finança e dels centres culturals,[6] e son influéncia en politica, educacion, mòda e art ne fan una de las ciutats globalas majoras.[7] A Londres quatre luòcs son Patrimòni de l'Umanitat: lo Palais de Westminster, l'Abadiá de Westminster e la glèisa de Santa Margarita; la Torre de Londres; lo luòc istòric de Greenwich; e los Jardins botanics reials de Kew.[8] La ciutat es una de les destinacions toristicas mondialas majoras, e sa popularitat aumentèt a causa del creissement economic[9]
Londres ten una populacion fòrça diversa, amb de culturas e religions desparièras e s'i parlan mai de 300 lengas.[10] En 2011 la populacion oficiala èra de 8.174.100,[11] dins los limits del Grand Londres e es la vila pus poblada de l'Union Europèa.[12] e s'estima que l'aira metropolitana ten una populacion d'entre 12 e 14 milions de personas. Londres foguèt lo sèti dels Jòcs Olimpics d'estiu 2012. Londres ten la ret mai vasta de mètro del mond, amb una extension de mai de 400 km. Los principals aeropòrts de Londres son los de Heathrow, Gatwick e Stansted. I a tanben d'autres aeropòrts menors, coma lo de la City, lo de Luton e de Southend.
Galariá
modificar
-
Plaça Piccadilly Circus, amb un autobus roge. -
Lo Palais de Westminster, sèti del Parlament Britanic, a Londres. -
Town Hall, Sheffield.
Nòtas
modificar- ↑ En nòrma mistralenca: Loundre[4] o Loundro.[5]
Referéncias
modificar- ↑ URL de la referéncia: https://it-ch.topographic-map.com/map-39bss8/Londra/?zoom=19¢er=51.50719%2C0.01625&popup=51.50731%2C0.01621.
- ↑ URL de la referéncia: https://www.nomisweb.co.uk/sources/census_2021/report?compare=E12000007.
- ↑ «Preconizacions del Conselh de la Lenga Occitana». Conselh de la Lenga Occitana, 2007.
- ↑ Mistral, Frederic (1878–1886). Lou Tresor dóu Felibrige (TDF). Rafèla d'Arle: Cultura Provençala e Meridionala.
- ↑ de la Tour d'Auvergne, Bretrand (9 de març de 2019). Diciounàri Prouvençau - Francés - Prouvençau.
- ↑ «The Competitive Position of London as a Global Financial Centre» (PDF). CityOfLondon, novembre 2005. [Consulta: 2008-06-06]
- ↑ * Inventory of World Cities, GaWC, Loughborough University Consulta 16 d'agost de 2007;
- Sassen, Saskia - The Global City: New York, London, Tokyo. (1991) - Princeton University Press. ISBN 0-691-07063-6. Consulta 16 d'agost de 2007;
- Global Cities: GaWC Inventory of World Cities 1999 Global cities#GaWC Inventory of World Cities (1999 Edition);
- Global Cities: GaWC Inventory of World Cities 2004 Global cities#GaWC Leading World Cities (2004 Edition)
- ↑ «Lists: United Kingdom of Great Britain and Northern Ireland». World Heritage. [Consulta: 2008-05-06]
- ↑ «Very British Career Fair - Visit Overseas». Y-axis Overseas Careers. [Consulta: 2008-06-07]
- ↑ «Llengües parlades per la població del Regne Unit.». CILT. [Consulta: 2008-06-06]
- ↑ «Census result shows increase in population of London as it tops 8 million - ONS».
- ↑ «Ciutat UE més poblada amb més de 7 milions de residents el 2001». www.statistics.gov.uk. [Consulta: 2008-06-28]
