Marwnad Dafydd ap Gwilym

gan Madog Benfras

Da ar feirdd, dewr o ŵr fu,

Y dewisodd Duw Iesu.

Poen bu dwys, pen bedysawd,

Pan aerth â gwawr pennaeth gwawd,

Pensaer y wengaer wingerdd,

Pennaeth penceirddiaeth, paun cerdd,

Porthloedd gwawd, parthlwydd gwiwder,

Parlmant clod a moliant clêr,

Pensarff aer, pensaer y ffawd,

Penselwayw, paun inscilwawd,

Pergyn ei dudded purgoch,

Perllan cerdd, pârllinon coch,

Pentref cerdd, pen trofa cad,

Pantri cur, puntur cariad,

Pendig y glod penigamp,

Pennod a chompod a champ,

Penial cerdd dyfal dafawd,

Pen ar gwŷr, pannwr gwawd.

Gwiw fu ef, gwae fi a wn

O himych, gwych ni’m gweheirdd,

O hiraeth am bennaeth beirdd.

Maer y serch am aur a sôn,

Mawr annudd, clod morynion,

Mawlair cerdd, milwr a’i cant,

Melin y glod a’r moliant,

Mawr ar fy ngrudd, llowrudd llif,

Mesur deigr, mawr ŵr digruf,

Mal un arial Anerien,

Mold gwawd heal, am lid y gwin.

Ys gwag yr haf am Ddafydd,

Ysgwir gwawd, ysgwier gwŷdd.

Da athro beirdd, dieithrach

No dyn a fu, a Duw’n fach.

Och na bai hir, goetir ged,

Oes Dafydd, eos Dyfed.

Rhoes broses fal Taliesin,

Rhol o wawd, rhy hael o win.

Rhwyf o hoed, ni ryfu hen,

Rhaid yw, yn ôl rhwyd awen,

Adardy awdl, fardd gwawdlwydd,

Ado’r gerdd fal yn dir gŵydd,

O ganmol serch ugeinmerch

Yn dir sied y deryw serch.

Digrif oedd, deigr a foddes

Deutu fy ngrudd, neu’m lludd lles.

Dioer, serchocaf fu Dafydd,

Dyn o’r gwŷr dan oror gwŷdd.

Dadlwawd awdl, didlawd ydoedd,

Dioer o baun, dihaereb oedd.

Dwyn naf nod Duw nef a wnaeth,

Da lawrodd cerdd daelwriaeth,

Dafydd degan rhianedd,

Dyfna’ clod, daufinog gledd.

Dafydd, ei ddydd a ddeddyw,

Doctor clod, dictor a’i clyw,

Da hebog doeth, coeth o’m cof,

Deheubarth, nid â hebof.