Balbutosturno

La Balbutosturno (Neocichla gutturalis) estas specio de sturno en la familio de Sturnedoj. Ĝi estas monotipa en la genro Neocichla. La nomo de la specio kaj en Esperanto kaj en la latina scienca nomo devenas el tre partikulara voĉo.

Kiel legi la taksonomion Balbutosturno
Balbutosturno
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Sturnedoj Sturnidae Genro: Neocichla Specio: 'N. gutturalis'
Dunomo
Neocichla gutturalis (Barboza du Bocage, 1871)
Konserva statuso
Konserva statuso: Malplej zorgiga
Aliaj Vikimediaj projektoj

Tiu specio montras eksterordinaran aspekton inter sturnoj, ĉar ĝi havas cindrogrizan kapon (kun rimarkinda hela iriso), pli brungrizajn flugilojn (kun blankaj makuloj), dorson kaj voston. La plej karaktera eco estas oranĝecaj subaj partoj kun centra vertikala malhela brustomakulo. La beko estas nigra kaj la kruroj nigrecaj.

Ĝi troviĝas en Angolo, Malavio, Tanzanio kaj Zambio.

Oni agnoskas du subspeciojn kiuj estas la jenaj:

• nomiga gutturalis (Bocage, 1871) – suda kaj centra Angolo.
• angusta (Friedmann, 1930) – okcidenta kaj centra Tanzanio, nordokcidenta kaj orienta Zambio kaj nordokcidenta Malavio.

Referencoj

• BirdLife International 2004. Neocichla gutturalis. 2006 IUCN Ruĝa Listo de Minacataj Specioj. Konsultita la 24an de julio 2007.

Eksteraj ligiloj

• Bildo ĉe ADW Arkivigite je 2010-05-26 per la retarkivo Wayback Machine