Bregenco

Bregenz [BRE:genc] - en Esperanto Bregenco - estas la ĉefurbo de la federacia lando Vorarlbergo en Aŭstrio. Ĝi estas ankaŭ distrikta urbo de la distrikto Bregenz. Ĝi situanta ĉe la sudorienta bordo de la Bodenlago, konkrete de ties plej granda lagoparto Obersee. Komence de la jaro 2013 ĝi havis 28 012 loĝantojn.

Bregenz
urbo
Laŭlaga promenejo en Bregenz
Blazono
Ŝtato	Aŭstrio
Federacia lando	Vorarlbergo
Situo	Bregenz
- alteco	427 m s. m.
- koordinatoj	47° 30′ 18″ N 09° 44′ 57″ O (mapo)
Areo	29,5 km² (2 950 ha)
Loĝantaro	28 012 (2013)
Denseco	949,56 loĝ./km²
Urbestro	Markus Linhart (stato de 2014) (ÖVP)
Horzono	CET (UTC+1)
- somera tempo	CET (UTC+2)
Poŝtkodo	6900
telefona kodo	05574
Situo de la urbo kadre de Aŭstrio Situo de la urbo kadre de Aŭstrio
Vikimedia Komunejo: Bregenz
Retpaĝo: www.bregenz.at

Kulturo

La Festivalo de Bregenz Bregenzer Festspiele estas kultura festivalo kiu okazas ĉiujare en julio kaj aŭgusto. Por la plejmulto de la vizitantoj la plej granda atrakcio de la festivalo estas la ludo sur la lago kiu okazas sur la scenejo sur la lago, la plej granda tiuspeca scenejo en la mondo. La Festivalo estas konata pro la beleco de la natura fono de la Bodenlago, la grandiozaj scenaranĝoj, la perfekta scentekniko kaj la unika akustiko.

Transporto

Trajna transporto

En Bregenz estas tri stacidomoj (haltejoj): Bregenz, Bregenz Hafen kaj Riedenburg (la lastaj du estas uzataj nur por regiona transporto). La urbo havas regulan trajnan konekton per InterCity- kaj Railjet-trajnoj kun Vieno. Tra la urbo ankaŭ trafikas EuroCity-trajnoj de Zuriko al Munkeno.

Partneraj urboj

• Akko, Israelo
• Bangor, Norda Irlando, Britio

Vidu ankaŭ

• Bregenzerwald
• Bregenzer Tagblatt, taggazeto (malaperis en 1915)

Eksteraj ligiloj

• Oficiala retejo