La Brita Esperantisto
La Brita Esperantisto (angle The British Esperantist) estas revuo de Esperanto-Asocio de Britio.
| La Brita Esperantisto | |
 Kovrilpaĝo de La Brita Esperantisto,
Printempo 2015 | |
| periodaĵo | |
|---|---|
| Speco | revuo pri lokaj novaĵoj |
| Periodeco | 2-foje jare |
|
| |
| Lando |  Britio
|
| Urbo | Barlastono |
| Posedanto | Esperanto-Asocio de Britio |
| Publikigisto | Panda Press |
| Redaktisto | Tim Owen |
| Establodato | 1905 |
| Prezo | 25 GBP (kun membriĝo) |
| ISSN | 0007-067X |
|
| |
| Retejo | Ene de la retejo Esperanto.org.uk |
Enhavo
redaktiLa gazeto celas britojn kaj priskribas kaj la britan Esperanto-movadon kaj novaĵojn en la lando. Povas temi pri raportoj de Esperanto-aranĝoj, pri lokoj, historio, libroj, KD-oj, sed precipe pri homoj. Pro tio estas ankaŭ intervjuoj, kaj leterkesto.
Kelkfoje estas tradukoj el la angla de artikoloj aperintaj en britaj gazetoj, poemoj dulingvaj kaj pli raraj skeĉoj.
La revuo establiĝis en 1905. Ekde 1906 ĝi enkorpigis la pli aĝan revuon The Esperantist, kiu en Britio aperis ekde novembro de 1903. La antaŭa ĉefredaktoro de The Esperantist, Harold Bolingbroke Mudie, plulaboris en la redakcia skipo de La Brita Esperantisto, kaj krome ekde 1908 funkciis kiel la historia unua prezidanto de UEA, ĝis li tragike mortis en trafikakcidento komence de 1916. De 1913 ĝis 1919 la revuon akompanis aparta instrua revuo The Esperanto-Monthly, ankaŭ eldonita fare de la Esperanto-Asocio de Britio, kiu ekde la komenco de 1920 same estis enkorpigita en la revuon La Brita Esperantisto.
Redaktoroj
redaktiDe 1 (jan 1905) ĝis 306 (okt 1930): Komitato.
De 307 (nov 1930) ĝis 372 (apr 1936): Montagu C. Butler.
De 373 (maj 1936) ĝis 414 (okt 1939): Fred Wadham.
De 415 (nov 1939) ĝis 527/528 (mar-apr 1949): Montagu C. Butler.
De 529/530 (maj-jun 1949) ĝis 581/582 (sep-okt 1953): Ken Alexander.
De 583/585 (nov-dec 1953) ĝis 597/598 (jan-feb 1955): C. J. Hunt.
De 599/600 (mar-apr 1955) ĝis 640 (nov 1958): Cecil C. Goldsmith.
De 641 (dec 1958) ĝis 646 (maj 1959): Mrs G. Osmotherly.
De 647 (jun 1959) ĝis 681 (jul-aŭg 1962): D. B. Gregor.
De 682 (sep 1962) ĝis 691 (jun 1963): Neindikite.
De 692 (jul-aŭg 1963) ĝis 736 (aŭg-sep 1967): A. E. Nobes.
De 737 (okt 1967) ĝis 774 (jun 1971): Edward Ockey.
Numero 775 (aŭg 1971): Dermod Quirke.
De 776 (okt 1971) ĝis 951 (mar-apr 2000): William Auld.
De 952 (aŭtuno 2001) ĝis 980 (printempo 2016): Paul Gubbins.
De 981 (aŭtuno 2016) ĝis 983 (aŭtuno 2017): Ian Carter, Tim Owen.
De 984 (printempo 2018): Tim Owen.
Eksteraj ligiloj
redakti- “Esperanto-gazetoj tra la tuta mondo: Okcidenta Eŭropo„ ĉe YouTube
- Oficiala paĝaro de La Brita Esperantisto
- The British Esperantist Skanitaj paĝoj ĉe Esperantomuzeo kaj Kolekto por Planlingvoj de ĉiuj jaroj de 1905 ĝis 1939 (numeroj 1-416), escepte la jaron 1918 (numeroj 157-168) kaj numeron 396 (aprilo 1938), kiuj mankas en tiu kolekto. Tiuj mankantaj numeroj estis skanitaj de la iama Esperanto-Fondaĵo Cesar Vanbiervliet.
- Katalogo de Esperantomuzeo kaj Kolekto por Planlingvoj
- The British Esperantist en la katalogo de Heredaĵbiblioteko Hendrik Conscience
- La Brita Esperantisto en la katalogo de Heredaĵbiblioteko Hendrik Conscience
- La Brita Esperantisto ĉe BitArkivo
- Listo de kajeroj, datoj, paĝnumeroj, ktp