Bulle FR
 | Ĉi tiu artikolo temas pri komunumo en Kantono Friburgo (mallongigo "FR"). Koncerne aliajn signifojn aliru la apartigilon Bulle. |
Bulle estas komunumo kaj la ĉefurbo de la distrikto Grejerco en Kantono Friburgo, Svislando. Ĝi havis 18947 loĝantojn je la 31-a de decembro 2010.
| Bulle | |
|---|---|
 | |
| Blazono de Bulle | |
 | |
| Kastelo de Bulle | |
| komunumo en Svislando • urbo en Svislando | |
| Kantono | Friburgo |
| Distrikto | Grejerco |
| Koordinatoj | 46° 37′ 3″ N 7° 3′ 29″ O / 46.61750 °N, 7.05806 °O (mapo)Koordinatoj: 46° 37′ 3″ N 7° 3′ 29″ O / 46.61750 °N, 7.05806 °O (mapo) |
|
| |
| Areo | 23,87 km² |
| Alteco | 771 m super marnivelo |
| Poŝtkodo | 1630 |
| Komunumkodo | 2125 |
 | |
| Mapo de Bulle | |
Geografio
redaktiBulle situas en la Friburga Mezlando, sudokcidente de la Lago de Grejerco ĉe la bordo de la rivero Trême. Bulle estas la dua plej granda urbo de Kantono Friburgo kaj la ekononmia centro de la suda kantonparto. La komunumo konsistas el la urbo Bulle kun diversaj industri- kaj loĝkvartaloj, kaj la vilaĝo La Tour-de-Trême.[1]
La teritorio de la komunumo etendiĝas sur areo de 23,87 km², de kiuj 31,3% estas kovritaj de arbaro, 46,2% servas por agrikulturo kaj 21,6% por setlado. [2]
Najbaraj komunumoj
redaktiLa komunumo Bulle limas en nordo al Riaz, en nordnordoriento al Echarlens, en nordoriento al Morlon, en oriento al Broc, en sudoriento al Grejerco, en sudo al Le Pâquier, en sudokcidento denove al Grejerco, kaj en okcidento al Vuadens.
Trafiko
redaktiTra Bulle pasas la kantona ĉefvojo n-ro 12 kaj la svisa aŭtovojo A12, kiu disponas pri alveturejo sur la urba teritorio. La urbocentron ĉirkaŭas la rapidvojo H189. La stacidomo de Bulle, kiu en la jaro 1992 estis novkonstruita, estas la plej grava publika trafiknodo de la distrikto Grejerco. Tra ĝi pasas la grava trajnlinio de Svisaj Federaciaj Fervojoj de Berno al Laŭzano kaj krome aliaj regionaj trajnlinioj. De la stacidomo eliras diversaj regionaj buslinioj kaj la urbo disponas ankaŭ pri du lokaj enurbaj buslinioj.
Historio
redaktiLa unua dokumenta mencio de Bulle datiĝas el la jaro 852 kiel Butulum. En la jaro 1395 grafo Rudolfo rekonis la merkaton de Bulle, kiu anstataŭis la merkanton de Grejerco. Inter la jaro 1231 kaj 1239 la laŭzana episkopo Bonifaz konstruis la defondomuron ĉirkaŭ Bulle, kiu sub la episkopa regado transformiĝis al urbo. En la jaro 1476 Bulle konkludis civitan kontrakton kun la urbo Friburgo. En la jaro 1537 el la protektantoj fariĝis regantoj, kaj Bulle fariĝis centro de friburga voktejo samnoma. En la 19-a jarcento Bulle estis la centro de la liberala opozicio kontraŭ la konservema registaro de Friburgo. En 1848 Bulle fariĝis la ĉefloko de la distrikto Grejerco. Kun efiko de la 1-a de januaro 2006 la ĝis tiam aŭtonoma komunumo La Tour-de-Trême estis integrita al la komunumo Bulle. [3]
Esperanto en Bulle
redaktiSvisa Esperanto-Societo (SES) havis en Bulle sian Ĝeneralan Kunvenon sabate la 3-an de junio 2023 okaze de kultura semajnfino. Okazis vizito al la Muzeo de Grejerco sabate kaj promenado al la urbeto Grejerco kun vizito de ties kastelo dimanĉe la 4-an de junio 2023. Prezento de tiuj du lokoj aperis en Esperanto kaj estis donitaj al la akceptejo-oficistoj okaze de la vizito. La kunveno kaj manĝoj okazis en la hotelo "Le Tonnelier".
Vidu ankaŭ
redaktiNotoj kaj referencoj
redaktiEksteraj ligiloj
redakti- Vidu ankaŭ en la Vikimedia Komunejo la kategorion Bulle – (Kolekto de bildoj kaj plurmediaj dosieroj)
Bildoj
redakti-
Malnova urbocentro de Bulle -
Urbomuro de Bulle
