Cirkla sektoro

En geometrio, cirkla sektoro estas parto de disko (ebena figuro limigita per cirklo) inter du ĝiaj radiusaj rektaj strekoj kaj ĝia arko.

Cirkla sektoro (verda)

Estu θ la centra angulo de sektoro en radianoj, kaj estu r la radiuso. La areo A de la sektoro povas esti ricevita per multipliko de areo de la tuta cirklo per la rilatumo de la angulo θ al angulo de plena cirklo 2π, ĉar la areo de la sektoro estas proporcia al la angulo. Kun tio ke areo de la tuta cirklo estas πr² rezultiĝas:

$A=\pi r^{2}\cdot {\frac {\theta }{2\pi }}={\frac {1}{2}}r^{2}\theta$

Ankaŭ, se θ_g estas la centra angulo en gradoj, do

$A=\pi r^{2}\cdot {\frac {\theta _{g}}{360}}$

La longo de arko L de sektoro estas donita per formulo

$L=r\theta ={\frac {r\pi \theta _{g}}{180}}$

La longo de perimetro de sektoro konsistas el longoj de la arko kaj de la du radiusaj strekoj kaj egalas al

$r(2+\theta )=r(2+{\frac {\pi \theta _{g}}{180}})$

Specifaj okazoj de sektoro estas duono de disko, kvadranto (kvarono de disko), oktanto (okono de disko).

Vidu ankaŭ

• Cirkla segmento - parto de cirklo fortranĉita per rekto
• Arko (geometrio)
• Cirklo
• Disko (matematiko)
• Ĥordo (geometrio)
• Luno (geometrio)

Eksteraj ligiloj

• Difino kaj propraĵoj de cirkla sektoro Kun interaga animacio
• Cirkla sektoro je MathWorld